Chapter Forty Nine 

EWAN ni Ester kung bakit bigla siyang kinabahan. Pakiramdam niya'y may hindi tamang nangyayari. Ang totoo ay kagabi pa niya nararamdaman iyon pero pinili niyang balewalain. 

Hindi ugali ni Jean na di umuwi pero inisip naman niyang ligtas ito dahil kay Gray naman ito nagpunta. Inakala niyang hindi na ito pinauwi pa ni Gray dahil magkukuwentuhan ang mga ito. Naisip niyang sa tagal na paghihiwalay nito at ni Jean siguradong maraming pagkukuwentuhan ang mga ito. 

Okay lang din naman sa kanya na may mangyari sa mga ito basta pagkatapos ay pakakasalan ito ni Gray. Kaya nga, ang plano niya talaga kaninang umaga at magpunta sa mga Lee para sabihing kailangang pakasalan ni Gray si Jean. 

Naawat lang siya dahil may makarating sa kanyang balita na ipapakilala ni Gray sa lahat ang mapapangasawa nito. Ang pumasok