Chapter 16 Miguel Vergara

NANG bumalik kinabukasan si Oliver ay kasama na niya si Atty. Jack Donde. Nasa bahay na nina Elisa ang kuya niyang si Miguel Vergara. Nakapagbayad ng piyansa ng maaga si Elisa para sa pansamantalang kalayaan ng kuya niya.

Inayos muna ni Atty Jack ang kanyang salamin at saka binalingan si Miguel. “Ikuwento mo sa akin ang buong pangyayari para magawan ko ng legal na action.”

“Opo. Ganito po ang nangyari Attorney.”

Ayon kay Miguel ay napadaan raw siya sa mga tauhan ni Mayor na siyang nakatalaga sa pagsasa-ayos ng trapiko. Totoong wala siyang helmet kaya tumigil muna siya sa isang tabi. Nag-iisip di umano si Miguel kung babalik na lamang at iikot sa kabilang daan kahit medyo malayo. Ngunit ng may mga dumaang motor na wala ring helmet ang driver na may tatlo pa ang angkas na bawal rin ayon sa batas, ay ipinasiya niyang tumuloy na rin. Sumaludo pa di umano ang dalawang naka-motor na wala ring helmet sa nagta-traffic na enforcer na halatang magkakakilala.

Ngunit ng siya na ang dumaan ay hina