Kabanata 11

"Umuwi na ba si Johan, anak?" sabay pasada ng tingin ni Mommy sa aking mukha.

Nakangiti akong tumango sa kaniya habang nginunguya ang aking pagkain. Nakalatag ang maraming pagkain at ibat-ibang flavor ng juice sa aming lamesa, parang may pista rito sa bahay, apat lang naman sana kaming kumakain ngayon ng almusal.

Dito natulog ang aking mga kaibigan ngunit umuwi rin kaninang madaling araw. Isang araw lang daw kasi ang pwede nilang iliban sa mga trabaho nila. Hay! Adult life.

Gusto sanang manatili ni Johan dito ngunit natakot sa sobrang sama ng tingin ni Harley sa kaniya nang nagpaalam kina Mommy. 

Nag-inuman kami sa kwarto ko kagabi, at dahil nga lasing na lasing si Johan, napaamin ito ni Nowelle na isa siyang bakla. Lahat sila ay nabigla maliban kay Nowelle na agad nakahalata sa una pa lamang nilang pagkikita. 

Hindi ko alam kung matatawa ako nang biglang umiyak si Johan at lumuhod sa harap ng apat, parang biglang nawala ang kalasingan ni