Chapter 79

SCARLETT

PAGKARATING sa kompanya mabilis akong bumaba sa sasakyan para pagbuksan ng pinto si Lucien.

Walang emosyon siyang bumaba saka dire-diretsong pumasok sa loob. Napabuga na lang ako ng hangin saka inabot sa staff na naghihintay ang susi para iparada ang sasakyan sa parking tapos ay mabilis na bumuntot sa likuran ng lalaki.

Tama nga sila Thunder mas malamig makitungo ngayon si Lucien. Sabagay hindi ko naman siya masisisi. Sumira ako ng usapan, umasa siya na ako na ulit ang magbabantay sa kanya pero binigo ko siya.

Sumusunod lang ako sa utos.

Pagkarating sa opisina niya, katulad ng dati ay sa labas na ako naghintay. Walang lingon-lingon siyang pumasok sa loob ng opisina niya at sinarado ang pinto. Bumuga na lang ako ng hangin saka na-upo sa waiting area. Mukhang katulad ng dati mabuburyo ako maghapon dito.

Hanggang sumapit ang tanghalian, balak ko sanang makisuyo sa isa naming tauhan na bilhan ako ng lunch ng biglang bumukas ang pinto ng opisina ni Lucien at niluwa