Chapter 5

Gulat na napasinghap ang mag-inang Evah at Mariah sa ginawa ni Valeria. Mula sa gilid ng ng kanyang mga mata ay kitang-kita niya kung paano unti-unti manginig sa gigil si Mariah. Kinuyom pa nito ang palad, kulang na lang ay hampasin ang lamesa para lang maputol ang halik na ginagawa ni Valeria kay Luciano.

Ang iba namang naroon ay nagpalakpakan, tila natuwa sa inasta ni Valeria.

Ilang minuto ring magkalapat ang mga labi nila ni Luciano, at kung ibubuka ni Luciano ang bibig ay tiyak na makakapasok ang dila ni Valeria roon sa loob. Nang sa tingin niya ay sapat na ang ginawa niya para mainis ang kanyang madrasta at stepsister ay doon siya nagpasya na tapusin ang halik na iyon.

Malambing niyang pinunasan niya ang labi ni Luciano na nagkapahid ng lipstick mula sa kanya. Pagkatapos ay binalingan niya ang mag-ina nang may halong pang-aasar sa titig.

"Magpapadala ako ng invitation sa bahay. Huwag kayong mawawala sa kasal namin. Excuse us. We need to go," aniya saka tumalikod.

Matagumpay siyang nakaalis doon kasama si Luciano na hindi na nagtanong pa sa ginawa niya. Mabilis silang lumabas ng gathering room habang magkahawak ang kanilang mga kamay. Wala rin naman itong balak na bumitaw. Mariin niya itong hinawakan dahil tila biglang naging blangko ang isip niya sa mga nangyayari.

Hindi pa rin niya matanggap na kinailangan niyang gumamit ng ibang tao para lang mapatunayan ang punto niya. Hindi siya pwedeng mapahiya.

Pagdating nila sa parking lot at pagkalabas ng elevator, hindi pa sila halos nakakalayo nang bigla siyang naisandal ni Luciano sa pader. Nanlaki ang mga mata niya nang salubungin siya ng matalim nitong titig.

"What was that?" malamig nitong tanong habang mariin ang pagkakakuyom ng panga nito.

Kinurap niya ang mga mata, hindi makapagsalita matapos marealize ang mga sinabi niya kanina. Namula ang mga pisngi niya.

"H-Ha? T-That was nothing. Huwag mo na lang isipin ang sinabi ko. It's just for a show!" Iwinaksi niya ang tingin palayo rito at sinubukang itulak ito. "Tabi nga. Aalis na ako!"

"Stay. I'm not done talking to you."

Mariin siyang pinanatili nitong nakasandal upang hindi siya makaalis. Lalo pang lumaki ang mga mata niya sa galit na nahuli sa mukha nito. Halatang hindi nito nagustuhan na nagamit ito sa eksenang ginawa niya.

"Tsk. I'm sorry, okay? Iyon ba ang gusto mong marinig?" masungit niyang sabi. "Pasensya na, nawalan lang ako ng choice kaya ko nagawa ang bagay na yun. Bakit ba ang bigdeal sayo?"

Yumuko ito upang tanawin ang namumutla niyang mukha. Tinitigan siya nito nang mariin, at kumabog ang dibdib niya nang ilapit nito ang bibig sa punong tenga niya.

"Hindi sapat ang sorry lang. Pagkatapos mo akong iwanan sa bahay ko. Ilang araw kitang hinanap, pero hindi ka nagpakita. Tapos ngayong nagkita ulit tayo, you announced our wedding in front of the crowd without my consent? And that thing is just for a show for you?" mariin nitong sambit.

Nanlamig ang mukha niya sa init ng hiningang tumama sa bandang leeg niya. Hindi niya alam kung paano makakalusot sa sitwasyong ito. Napakagat na lang siya sa labi sa tensiyon sa pagitan nila.

"Ano'ng gusto mong mangyari? Totohanin natin ang kasal? Come on, ginamit lang kita para mapahiya ang kabit ni Daddy. That’s all."

"Stop bullshitting me, Valeria. Let's have our wedding."

Nalaglag ang panga niya sa diretsahan nitong pahayag. Mas lalo pang inilapit ni Luciano ang mukha nito sa kanya at hinigpitan ang hawak sa pulso niya. Sinuklian niya ng titig ito, nanlaki ang mga mata niya.

"Nababaliw ka na ba? Hindi ako magpapakasal sa'yo. Ni hindi nga kita kilala. At ayaw ko sa lalaking kagaya mo!"

Lalong humigpit ang pagkakadiin nito sa pulso niya, halos mapiga na ang balat sa lakas ng pagkakahawak. Tumagilid ito upang mas matingnan siya nang diretso sa mga mata. Tumigas ang mukha nito habang iritado siyang pinagmamasdan.

"I don't give a damn kung ayaw mo sa akin. Sinimulan mo ito, tatapusin natin sa kasalan. And you told everyone in there that we will be having our marriage next month? Then we’ll be getting married on that month, just like you said. Prepare yourself, because you can’t back out on our upcoming wedding."

Namuti ang mukha niya sa sinabi nito. Wala ni kaunting pag-aalinlangan sa tono nito. Sigurado ito. Desidido.

Ikakasal sila sa susunod na buwan?

Halos malugutan siya ng hininga.

Of all the people na pwede niyang mapangasawa, sa lalaking ito pa na halos hindi niya lubusang kilala.