CHAPTER 36: Fear and Anger

JANINA MARIE

Habang panay ang hampas ko sa pader ng walis-tambo na hawak ko ay pinagmamasdan lang ako ni Althea. Nakikipaglaro lang siya kay Jude at parang hindi siya affected sa pag-e-emote ko. Ngunit nagpatuloy lang ako sa aking ginagawa dahil paraan ko iyon para mailabas ang galit ko kay Xavier.

"Umayos ka nga, JM. Masisira na iyang walis na hawak mo," saway niya sa akin.

"Galit ka po ba, mama?" pagkuwan ay tanong din ni Jude. "Bad po ba ako?"

Ngumiti ako at inipit ko ang walis sa pagitan ng aking dalawang tuhod.

"Hindi, anak. Sinusubukan ko lang kung gaano katibay ang pader," sagot ko.

"Pwede ako rin po… Titingnan ko rin kung matibay ang pader."

Tumakbo si Jude palapit sa akin at hinawakan ang walis. Nang makuha niya iyon ay inihampas niya rin sa pader.

"Tingnan mo ang kalokohan mo. Pati anak mo ngayon, ginagaya na ang ginagawa mo," sita sa akin ni Althea. "Gusto mo bang lumabas para kahit paano ay ma-refresh ang isip mo?"

"Ayaw ko, Althea. Nagtitipid ako."

"JM, saway