Kabanata 8

Palakpakan.

Hiyawan.

Panaka-nakang pagsipol.

Normal na halos para sa akin ang ingay na nililikha ng mga parokyano sa bar. Normal na ang makakita ng nag-iinuman. Mga nagsasayawan at mga mukhang nagsasayahan. Ngunit sa mga nakalipas na araw, nagiging hindi ako sanay. Nakakapanibago. Lalo na dahil ang dahilan ng lahat ay si Marcus. Ang presensya nito at ang bughaw nitong mga mata na pakiramdam ko ay laging nakatitig sa akin.

"Ang galing talaga ni Marcus. Mas dumami ang costumer ng bar dahil sa kaniya," si Flor ang nagsalita. Magkatabi kaming tatlo nina Nylen sa labas ng pantry. Kaharap lamang nito ang  bar counter kung saan pinagkakaguluhan at pinapalibutan ng mga kababaihan dahil sa isang palabas na ginawa ni Marcus.

"Sus! Kaya ko naman 'yang ginagawa niya, noh! Feeling gwapo lang 'yang kurimaw na 'yan!" may halong inis naman na wika ni Nylen.

Napatingin ako sa direksyo