chapter 6

RADE

Maaga akong umuwi para kausapin si Nadia, ngunit dumating ito pero hindi na lumabas ng kuwarto niya. Asar na bumalik ako sa silid ko at pinilit kong matulog kahit hirap na hirap ako.

Maaga akong nagising naligo at gusto kong makita si Nadia, maayos ang suot ko at hindi ko alam kung bakit ngunit nilingon ko ang itsura ko sa salamin. Saglit lang at napailing ako, lumabas na ako diretso papunta sa hagdan. Tinatanaw ko pa ang paligid baka makita ko siya, pagbaba ko natigilan ako dahil may boses akong naririnig.

Tinungo ko ang dining at nakita ko agad si Nadia, nagkakape at may kausap na babae at hindi ko inaasahan na nandito si Stella.

“Hi babe!” 

H******n ako ni Stella sa pisngi at hindi ako nakagalaw dahil sa gulat ko.

“Gising na pala si Rade, sige na umalis na kayo.” taboy sa amin ni Nadia.

Tiningnan ko naman siya dahil parang wala siyang pakialam, nagkakape at busy sa cellphone at hinayaan niya pa si Stella na magpunta dito.

“Bye and thanks.” paalam na hatak sa akin ni Stella.

“Okay,” tanging sagot lang ni Nadia.

Napakunot noo ako dahil dati ramdam ko na tinitingnan pa ako ni Nadia hanggang sa makaalis ngayon parang wala na akong halaga sa kaniya.

Sa loob ng sasakyan katabi ko si Stella pero ang isip ko ang layo ng tinatakbo dahil kay Nadia.

“Mukhang tanggap na ni Nadia, hindi na tayo mahihirapan na maghiwalay kayo.” 

Hindi ako sumagot sa sinabi ni Stella, para bang may kirot na hindi ko maintindihan dahil mas lalo akong naba-bad trip.

___

NADIA

Kung alam mo lang Rade, kinakaya ko ‘to lahat para sa pagsasama natin. Kung puwede gawin ang lahat gagawin ko, hindi man mangyari ang pinapangarap ko at least alam kong ginawa ko ang lahat. 

Tinapos ko na ang iniinom kong kape at naligo dahil magkikita ng taong kausap ko doon sa lugar na bibilhin ko para sa restaurant na ipapatayo ko.

__

Hininto ko na ang kotse sa lugar kung saan kami magkikita ng kausap ko, .maingat kong inayos ang suot kong blazer at nakataas ang ayos ng aking buhok. Kitang-kita at dama ko ang pagiging elegante ko ngayon, hindi na ako tulad ng dati. Dahil ang Nadia ngayon ay magiging palaban at matapang.

Pagpasok ko sa entrance ay agad kong sinabi ang reservation table.

“Okey na po ma'am doon po ang daan,” 

“Salamat,” sagot ko at naglakad na doon sa tinuro ng lalaki. 

Habang naglalakad ako ay natigilan ako dahil sa nadaanan kong kabilang table malapit sa glass window. 

Wow, talagang tinadhana talaga tayong magkita. Rade and Stella,

Gulat na gulat si Rade ng mapatingin sa akin at sumunod si Stella. Saglit lang ang ginawa ni Nadia na pagsulyap sa dalawa dahil binalewala na niya ito na parang walang nakita.

“Babe?”

“Si Nadia,” 

Nadinig ko pa ang usapan ng dalawa dumiretso na ako sa table, agad kong kinamayan si Mr. De Guzman.

“Good afternoon, inayos ko na ang mga documents at ready na ito, Miss Nadia.” saas ni Mr. De Guzman. “Maganda ang location na yon at hindi ka magsisi,” sabi pa niya.

Pagsisimula ni Mr. De Guzman at tumango ako ng nakangiti, dama ko naman na nakatingin sila Rade sa amin.

“I want something peaceful.” sabi ko at medyo nilakasan ko para marinig nla.

Mahinang tumawa si Mr. De Guzman at matapos ang usapan namin ay nakipagkamay na ako. At pagpihit ko saktong tumayo si Rade at nagtama ang mga mata namin, pero ako ang unang umiwas at taas noong naglakad.

Naglakad na ako saglit ko silang hinintuan.

“Enjoy your dinner,” sabi ko bago tuluyang naglakad dahil napansin ko na kakarating ng inorder nilang pagkain.

_

Gabi na paguwi ko sa bahay sinalubong ako ng dalawang kasambahay na may hinanda silang pagkain. Ngunit sabi ko wala akong ganang kumain, nagpalit lang ako ng pantulog na dress at muling bumaba diretso sa kusina sa refrigerator para kumuha ng beer. Dinamihan ko na nilagay ko sa tray, doon ko balak uminom sa tabi ng swimming pool.

Pag-upo ko ay agad kong binuksan ang isa at ininom, napasandal ako at napatingin sa itaas. Gusto kong uminom dahil tiyak na hindi ako agad makakatulog dahil sa mga nangyari ngayon.

Muli akong lumagok ng beer at napatingin sa tubig na tinatamaan ng ilaw, hanggang sa narinig ko ang tunog ng slide na glass door. Pag-angat ng mukha si Rade.

“Hindi ka pa inaantok?” tanong niya.

“Oo,” malamig kong sagot at nadinig ko ang pagbuntong hininga niya at naupo siya sa kabilang upuan.

“Puwede bang makisali?” tanong niya.

Bahagyang umangat ang kilay ko na nakatingin sa kaniya at sumandal ako.

“Bahala ka,” sagot ko.

Kumuha siya ng isa at binuksan sabay tungga at nakatingin sa langit, naging tahimik lalo at tanging ang mga tunog sa kung saan at pagsimsim ng beer ang maririnig.

“Kanina…” pagsisimula niya. “Talaga bang wala lang sa'yo?” 

Mahinang tumawa ako dahil sa sinabi niya at uminom muna.

“Bakit kailangan mayro'n?” sarkastiko kong sagot at napakunot noo siya.

“Mag-asawa tayo, Nadia.” 

Nilingon ko siya ng may nakakalokong ngiti dahil salitang asawa na sinabi niya.

“Mag-asawa pala tayo?” mapang-asar kong sagot at natigilan siya.

“Lantaran yung sa amin ni Stella, pero parang wala lang sa'yo hindi tulad ng dati at-”

“Ayun na nga.” mapait na ngumiti ako. “Lantaran niyong pinapakita sa akin dahil alam mo na wala akong magagawa.” Kalmadong pagkakasabi ko dahil pinipigilan kong maging emosyon.

Nadinig ko ang paghugot niya ng jsang malalim na buntong hininga.

“Alam mo naman kung bakit tayo ganito.” 

Tiningnan ko siya. “Oo, dahil kasalanan ko at wala ka talagang pagmamahal sa akin, kahit nga respeto wala.” diretsong pagkakasabi ko at nakatingin ako sa mata niya.

“Nadia,” bigkas niya.

Hindi ko siya nilingon muli kong ininom ang beer at sinaid ko ang laman. 

“May nagugustuhan ka na ba?” 

Napalingon ako sa kaniya at hindi ko inaasahan ang tanong niya kaya napatawa akong pagak.

“Bakit kung mayroon nga?” paghahamon ko sa kaniya.

“Answer me, Nadi.” 

Hindi ko siya sinagot at sinabayan ko ng tayo.

“Goodnight, Rade.” sabi ko at bigla niya akong hinawakan sa pulsuhan kaya napahinto ako.

Mahigpit ang pagkakahawak niya sa akin.

“Bitiwan mo ako, Rade.” mahina kong sabi at akala babalewalain lang niya pero lumuwag ang pagkakahawak niya.

“Hindi ko alam kung ano'ng nangyari sa'yo.” 

Napangisi ako. “Bakit naguguluhan ka ba? Hinahanap mo ba yung dating Nadia? Wala na siya.” ngiting sabi ko.

Hindi siya nakasagot kaya iniwan ko na siya at nagtungo na ako sa kuwarto.