Kabanata 3

“Tapos ka na ba?” tanong muli ni Gwyneth.

Tumigil si Liana, hindi siya sigurado sa binabalak niya, pero nangangati pa din siyang galitin si Gwyneth. “Hindi ko siya iiwan. Kahit na mag-abroad kayo, sasama ako. Sa tabi lang ako ni Asher—mahal niya ako. Hindi magiging masaya ang pagsasama ninyo habang nandito ako!”

Ibinaba ni Gwyneth ang mga plato at sumingkit ang mga mata niya. “Tapos ka na? Ngayon, ako naman. Ito ang munting payo ko. Kung magiging kabit ka, galingan mo umarte at huwag ng magsalita.”

Sinampal niya ng malakas si Liana, napalingon siya sa ibang direksyon sa lakas.

Natapilok si Liana at natabig niya ang mangkok ng sabaw sa lamesa. Natalsikan siya ng sobrang init na sabaw, at sumigaw siya, “Aray! Ang init!”

Napukaw ang atensyon ni Asher, at nagmadali siya sa kusina. “Anong nangyari, Lia?”

Tumingala si Liana, ang kanang pisngi niya ay namumula sa sampal at ang kaliwang kamay naman namamaga at napaso. Galit niyang itinuro si Gwyneth na nananatiling malamig at malayo. “Honey, sinampal niya ako at tinapunan ako ng sabaw!”

Honey? Pinilit ni Gwyneth lunukin ang pandidiring nararamdaman niya. Umarte si Liana na parang si Asher ang asawa niya, kahit na si Gwyneth ang asawa at hindi siya.

Binuhat ni Asher si Liana mula sa sahig, nasasaktan siya para sa kanya. Hinarap niya si Gwyneth. “Humingi ka ng tawad kay Lia.”

Sumimangot si Gwyneth. Natapunan din siya ng sabaw.

“Hindi mo man lang itatanong kung anong nangyari?” tanong niya, nawalan na siya ng pag-asa.

Kita ang simpatya sa mukha ni Asher para kay Liana na kawawa ang lagay. “Mabuti siyang babae na taon na akong kasama at hindi humingi ng kahit na anong titulo namin. Anong kasamaan ang magagawa niya? Paano ka niya gagalitin?”

Tinignan siya ni Gwyneth, nanikip ang dibdib niya sa lungkot.

Sa school, isang selosang kaklase ang pinagbintangan siya sa pagnanakaw ng pera. Kinuwestiyon siya ng homeroom teacher tungkol dito.

Pero nagmadali si Asher sa opisina para depensahan siya. “Ms. Johnson, mabuting tao si Gwyneth. Tahimik siya kahit na ginawan siya ng mali. Anong kasamaan angm maaari niyang gawin? Bakit siya magnanakaw ng pera?”

At ngayon, inuulit ni Asher ang mga sinabi niya noon, pero kaysa ipagtanggol si Gwyneth, sinusuportahan niya si Liana.

“Hihingi ako ng tawad, pero hindi siya sasama sa atin,” sambit ni Gwyneth.

Tinitigan siya ng masama ni Liana ng galit siyang magsalita. “Sino ka para magdesisyon? Hindi ikaw ang magdedesisyon dito.”

Nagdilim ang ekspresyon ni Asher. “Huwag mo akong galitin.”

Namula ang mga mata ni Gwyneth ng tumingala siya, sinusubukan pigilan ang mga luha. “Huwag mo ako pilitin na magdala ng abogado at gawing publiko ang namamagitan sa inyo ni Liana.”

Naging galit ang ekspresyon ni Asher. Natagalan bago niya ibinuka ang kanyang bibig. “Sige. Palalampasin ko ito ngayon, pero hindi na ito dapat maulit.”

Binuhat niya si Liana patungo sa sofa sa living room at ikinuha siya ng cream para sa paso.

Noong nilisan ni Gwyneth ang kusina, nakita niya na magkasama sila, naglalambingan. Umakyat siya papunta sa master bedroom.

Dahil wala si Asher, kinuha niya ang pagkakataon para kunin ang phone niya. Inilabas niya ang transaction app, naglagay siya ng halaga, at tinype ang PIN.

Makikita sa screen ang message, “Transfer Successful.”

Napatigil si Gwyneth. Matapos linawin ang lahat, ibinalik ni Gwyneth ang phone sa puwesto nito. Nakakatawa isipin na si Liana pa talaga ang nagsabi sa kanya ng transaction PIN ni Asher.

Nasa ibaba si Asher, nagdidikit ng mainit na bimpo sa kanang pisngi ni Liana bago lagyan ng cream para sa paso ang kamay niya.

Maluha-luha din si Liana, nauutal siyang magsalita habang ramdam ang emosyon. “Sinampal niya ako at umarte na parang walang mali. Paano niya nagagawa maging masama? Honey, hindi mo man lang ako ipinagtanggol. Dapat sinampal mo siya pabalik.”

Mukhang naiinis si Asher pero mahaba ang pasensiya niya ng pakalmahin siya. “Paano kung magalit siya at mapagdesisyunan na hindi ka payagan mag-abroad? Anong gagawin natin? Ginagawa ko ito para sa iyo, hindi ba?”

Yumuko si Liana at sinabi, “Sige. Pero kaarawan ko ngayong gabi. Dapat ako ang makasama mo.”

“Kahit ano para sa iyo, prinsesa ko.” Yumuko si Asher at humalik sa mga labi niya.

Hindi nila alam na nasa itaas si Gwyneth, mapanglait silang pinapanood habang naglalandian sila.

Makalipas ang ilang sandali, umakyat si Asher sa master bedroom. Mukhang nababagabag at sinabi kay Gwyneth na malala ang paso ni Liana at kailangan dalhin agad sa ospital.

Hindi siya pinuna ni Gwyneth.

Sa oras na wala na si Asher, tinignan niya ang chat history nila. Lagi niyang sinasabi na may nangyayari sa trabaho niya sa araw na ito.

Bago natulog sa kama, binura niya ang nakasulat na “pito” sa whiteboard at isinulat ang “anim”.

“Anim na araw,” bulong niya.

…

Noong magising si Gwyneth sa sumunod na araw, nakauwi na si Asher. Kita ang mga eyebags niyang malaki, malinaw na nasobrahan sa pagsasaya kagabi.

Kinain ni Gwyneth ang almusal niya.

Tumingin si Asher sa whiteboard at sumimangot. “Anong mayroon sa anim?”

Walang ekspresyon ang mukha ni Gwyneth. “Anim na araw na lang bago tayo lumipad abroad.”

Anim na araw na lang at matatapos na din niya sawakas ang 12 taong relasyon at iiwan siya.

Hindi maalis ni Asher ang pakiramdam na may mali, pero tumunog ang phone niya bago pa niya ito isipin masyado.

Pagkatapos umalis, nagsimula si Gwyneth na magimpake. Hindi plano ni Asher na ibenta ang bahay sa oras na lumipat sila abroad.

Inayos na ni Gwyneth ang mga gamit niya, nag-impake at ipinadala sa tahanan ng pamilya Payne. Para naman sa mga regalo ni Asher na ibinigay sa kanya, iniwan niya itong lahat. Tanghali na ng matapos siya.

May biglaang ingay mula sa pinto. Tumalikod siya at nakita si Liana na mayabang ang ekspresyon habang may dalang maleta.