KABANATA 3:

Nian’s POV

Hindi ko alam kung anong flavor ang gusto ng bata, kaya naman kumuha na ako ng dalawang pagpipilian niya. Orange at apple flavor.

Pabalik na ako sa kanila nang madaan ko ang dalawang tao. Babae at lalaki na mukhang nag-aaway, nasa tabi sila ng kotseng nakaparada sa may puno. Mula rito, kita ko ang mag-amang nagkukulitan.

"My fiancé is here! Bakit mo ba ako sinundan dito?" galit na saad ng babae.

"I miss you so much, Cherry. Alam kong ako ang mahal mo at hindi ang lalaking 'yan."

Tahimik akong naglakad sa gilid, nagkunwaring wala akong pakialam.

Malapit ko nang malampasan ang kotse na nagsisilbing harang sa dalawa nang marinig ko ang binanggit na pangalan.

"Kayamanan lang ang habol mo kay Zacharias."

"I'm sorry, Kevin. I've learned to love him," sambit ng babae.

"No, please. Don't lie to me," pagmamakaawa ng lalaki.

Napagpasyahan kong hindi umalis doon, nagtago ako at nakinig. Namana ko ata ang pagiging chismosa ko sa mga kapitbahay namin.

"Kilala kita, Cherry. Gusto mo bang ikasal sa lalaking may anak na? Kaya mo bang maging isang ina sa batang hindi mo naman iniluwal?"

"Aray!" Natutop ko ang bibig ko, kinagat kasi ako ng langgam.

Nakakainis naman oh!

Tumahimik ang dalawa, mukhang narinig ang paghiyaw ko. Yumuko ako at mabilis na tumakbo paalis. Kinakabahan na baka makita ako. Hinihingal akong lumapit sa mag-ama. Ibinigay ko ang dalawang inumin kay Zacharias.

"You look pale," aniya.

Pinapili niya ang anak kung anong gusto at nilingon ulit ako. Ibinalik niya ang isa pang juice na hindi pinili. Kinuha ko naman iyon at agad na uminom sapagkat uhaw na uhaw na—pero busog sa chismis!

Kawawang Zacharias, pogi nga at mayaman pero niloloko.

Tumunog ang kanyang selpon. Isinenyas niyang tingnan ko ang bata, tumango ako at hinayaan siyang umalis at sagutin iyon.

"Hi," bati ko.

"Are you secretly dating my father?" akusa niya.

Naku, kung alam mo lang. Ang ina mo ang may ginagawang mali!

"Hindi. Hindi ko type ang daddy mo," sagot ko.

"Sayang," biglaang lumukot ang mukha niya.

"Bakit?"

"I hate my stepmother, she's bad. She only acts nice when she's with dad."

Hindi ko maiwasang maawa sa kanya. Nakakanood ako ng mga ganyang drama tungkol sa madrasta na kinakawawa ang batang anak ng kanyang asawa sa ibang babae. Parang may umilaw sa utak ko...

"Gusto mo bang may gawin ako?"

"Huh?"

"Ako na ang bahala sa lahat," kinindatan ko ang bata.

"What do you mean by that?" takang tanong niya.

"Hindi ko hahayaang siya ang maging nanay mo, 'di ba sabi mo bad siya?"

"Really?" sumigla ang boses niya.

"Oo."

Lumapit ako sa kanya at bumulong.

Makakatulong na ako sa bata, magkakaroon pa ako ng trabaho. Sana nga gumana. Ang talino ko talaga!

"Okay," sang-ayon niya.

Bumalik si Zacharias. Nginitian niya ang kanyang anak at binuhat.

"Your mom is here. We're going home," saad niya.

"Daddy, I like her."

Oops. Ayan na.

"You are still young, Zachu," tumawa ang kanyang tatay.

"Make her my baby sitter."

"Hala—" kunwari'y pagulat kong reaksyon.

Nilingon ako ni Zacharias at ibinalik ulit ang tingin sa anak. Mukhang nagulat sa sinabi ni Zachu.

"Are you sure?"

Tumango ang bata. Nilingon ulit niya ako, tiningnan niya ako mula ulo hanggang paa. Aba, small but terrible ako. Kahit anong klaseng trabaho pa 'yan, kayang-kaya ko.

"What my baby wants, my baby gets."

Ngumiti ako nang malawak.

Ang ngiting 'yon ay dala ko pagkauwi hanggang kinabukasan. Pumayag si Zacharias na maging babysitter ako ng anak niya.

Nakatayo kaming tatlo nila Mama sa labas, hinihintay ang susundo sa akin.

Hindi nagtagal, dumating ang isang magarang kotse. Pero hindi si Zacharias ang lumabas mula sa pinto nito.

Mukhang driver nila ang lalaking bumaba. Napanguso ako.

Akala ko pa naman ay siya na.

Bakit ba ako malulungkot? Busy siyang tao, kaya bakit ako mag-eexpect na siya mismo ang susundo sa akin?

Napailing na lang ako sa iniisip ko. Niyakap ko nang mahigpit sina Mama at ang kapatid ko bago ako tuluyang sumakay sa loob.

Mabilis magmaneho ang lalaki kaya nakarating kami agad. Nakakahilo nga lang. Pagdating namin sa harap ng malaking gate na itim na dahan-dahang bumukas, napanganga ako sa mangha.

Tuloy-tuloy ang pagdadrive ng lalaki papasok sa sementadong daanan.

Sa magkabilang gilid ng daan, may mga matataas na puno. Nadaanan namin ang isang malawak at berdeng garden na parang sa pelikula lang nakikita.

May malaki ring fountain sa gitna bago kami makarating sa tapat ng mismong bahay. Nang huminto ang kotse, doon ko lang nakita nang buo ang mansyon.

Sobrang laki at kulay puti na may matataas na poste sa harap. Ang daming bintana na gawa sa salamin. Hindi ko inaasahang ganito pala kayaman si Zacharias.

Sana mataas din ang sahod ko. Hehe. Bumaba ang driver para pagbuksan ako ng pinto. May mga babaeng nasa labas na sa tingin ko'y mga katulong. Nakasuot sila ng uniporme.

"Welcome sa Viglianco mansion," nakangiting bati ng pinaka-matanda sa kanila.

"Thank you po."

"Ako si Flora, household manager. Kung may kailangan ka, ako ang lalapitan mo. Sa ngayon, magpahinga ka muna bago simulan ang trabaho mo," diretsahang sabi niya, seryoso at mukhang istrikto.

Sinenyasan niya ang isa na tulungan ako sa mga bitbit ko.

"Tara, pasok sa loob." Sumunod ako sa kanya.

Parang nahiya ang suot kong gusot na sapatos sa makintab at napakalinis na floor. Napakalawak at mataas ang ceiling, may malaki ring chandelier.

Sumunod ako sa babae, nag-iingat akong maglakad dahil baka may mabangga akong mga kagamitan. Mukhang mamahalin pa naman ang lahat.

Nakarating kami sa maid's quarters, may kanya-kanyang kwarto. Simple lang pero maayos at komportable.

"Pasensya ka na at hindi namin naayos nang mabuti ang kwarto. Biglaan kasi ang pagkasabi ni Sir Viglianco, abala kaming lahat kahapon."

"Okay lang."

"Oh siya, maiwan muna kita para makapagpahinga ka na."

Pagkalabas niya ng pintuan, agad akong napahiga sa kama. Hindi ko maiguhit ang sayang nararamdaman ko ngayon. May trabaho na rin ako sa wakas.

Pagbubutihin at gagalingan ko!