KABANATA 4:

Nian’s POV

Nakarinig ako ng katok galing sa labas. Katatapos ko lang ayusin ang mga gamit ko, suot ko na rin ang unipormeng binigay sa akin. Lumapit ako sa pintuan at binuksan iyon.

"Tawag ka ni sir sa office niya," nakangiting sabi ng maid na sa tingin ko ay kasing edad ko lamang.

"Sige."

Sumunod ako sa kanya, umakyat kami sa engrandeng hagdanan na nasa gitna.

"Mahirap ang trabaho mo. Kailangan mong bantayan nang maigi ang anak ni sir. Isang kamali mo lang, tatanggalin ka na niya agad."

"Masungit ba?" tanong ko.

"Hindi lang masungit, nakakatakot siya. Sa fiancé niya lang ata nilalabas ang kabaitan niya," sagot ni Mira.

Ah, sa fiancé niyang cheater.

Tumigil kami sa tapat ng isang pintuan.

"Dito ang office niya. Ayusin mo ang mga sagot mo," paalala niya. "Maiwan na ulit kita, chismisan tayo kapag may time tayo ha!"

Pagkaalis niya, kumatok na ako sa pintuan. Inulit ko pa nang tatlong beses at medyo nilakasan, baka kasi hindi marinig.

"Come in," utos ng nasa loob.

Binuksan ko ang pinto at dahan-dahan kong isinara iyon pagkapasok. Agad na yumakap sa aking balat ang lamig.

Para akong nasa loob ng ref. Malamig sa labas, doble pa ang lamig dito. Next time na papasok ako, magdadala ako ng jacket.

Nakaupo sa swivel chair si Zacharias. Nakahalukipkip at seryosong nakatingin sa akin. Ang gwapo ng itsura niya ngayon, mala-mafia ang dating. Lutang na lutang ang tikas niya sa suot na charcoal suit.

Naglakad ako palapit habang pinagmamasdan ang malawak niyang office. May mga paintings sa pader, may couch din na para siguro sa mga bisita.

"Maasahan ba kitang maaalagaan mo ang anak ko?"

"O-oo. M-makakaasa k-kayong s-safe na safe ang a-anak niyo."

"Why are you stuttering? I can barely hear you. Come closer," utos niya.

Para akong si Anna na nabalutan ng yelo ang damit na naglakad at pumunta sa tabi niya. Narinig ko ang pagbuntong-hininga niya, mukhang nadisapunto.

Sabi come closer, edi lalapit.

"Bzzzzz. Z-zacharias, a-anlamig," nanginginig kong sabi. "P-pwede bang h-hinaan mo ang aircon m-mo?"

Kinuha niya ang isang maliit na remote sa table niya, may pinindot siya roon. Humina ang lamig sa loob kaya medyo nawala na ang panginginig ko.

"Alam mo ba kung ano ang mga gagawin mo—"

"Oo naman, ako ang magbabantay sa kanya twenty-four-seven, itututok ko lagi ang mga mata ko kay Zachu, hindi ko hahayaang mawala siya sa paningin ko," mabilis kong sabi.

"Make sure you do. I’m entrusting my son to you. If anything happens to him, you will answer to me," he glared.

Grabe naman. Nananakot?

"Huwag kang mag-alala, Zacharias. Nasa tamang kamay ang anak mo kapag ako ang mag-aalaga."

Bumukas bigla ang pintuan.

Nakabusangot ang mukha ng babaeng iniluwal niyon. Nakasuot ng kulay pulang dress, pati ang heels na suot ay kulay pula rin. Yung fiancé niya! Siya yung babae kahapon na may kausap na lalaki.

Nag-isip ako kung ano ang magandang gawin.

One, two, three, action!

Nagkunwari akong nahihilo at sinadyang mapaupo sa hita ni Zacharias. Mabilis naman niyang sinalo ang likod ko gamit ang kamay niya. Umarte akong masakit ang ulo, at pumikit-pikit.

Para ito kay Zachu. Ipaghihiganti kita sa stepmother mong bad at manloloko. Pagseselosin ang cheater na 'to.

"Hey, are you okay?"

"Umm."

Umayos ako nang upo. Nagpapanggap at humawak sa ulo sabay pasimpleng sumandal sa braso niya. Shet, ang bango niya!

Mukhang alam ko na ang next na kukunin kong trabaho. Maging artista!

"Nahihilo ako," maarte at pabebeng saad ko.

"'Yan ba ang kukunin mong babysitter ni Zachu?" inis na sabi ng babae.

Nilingon ko siya, masama ang tingin sa akin. Hindi na maitago ang selos sa kanyang mukha, sumakses. In fairness, maganda siya. Kaya siguro nabaliw si Zacharias sa kanya.

Pero teka...

May kung anong tumigas sa pwetan ko. Pasimple kong kinurot ang braso ni Zacharias at binalaan gamit ang masamang titig ko. Tinaasan niya ako ng kilay, may multong ngiti sa labi. Kasabay niyon ay naramdaman ko ang pasimpleng pagtusok ng dambuhalang sawa na naupuan ko.

Napabalikwas ako.

"O-okay na ako."

Umayos ako nang tayo. Grabe, manyakis! Parang wala sa harap ang fiancé niya ah?

"You didn't tell me that you're coming."

"Ganyan ba ang ibabati mo sa akin?" galit na tanong ng babae, may halong pagtatampo sa boses.

Narinig ko ang pagbuntong-hininga ni Zacharias. Tumayo siya at lumapit sa kanyang fiancé. Napairap ako nang makitang hinalikan niya ang noo.

Bagay sila, cheater yung isa tas si Zacharias naman ay manyakis na malandi.

"I'm sorry."

"Bakit hindi ko alam?"

"Alin?"

"Na may balak ka palang kumuha ng babysitter ni Zachu? Sana hinayaan mo na lang na ako ang maghanap," saad ng fiancé niya. "Hindi sa kung saan-saan ka na lang pumupulot, baka mamaya may sakit pala 'yan, mahawaan pa ang anak natin."

Natin daw, sus. Ni ayaw nga ni Zachu sa iyo!

Tas ano sabi? Baka may sakit akong nakakahawa?

"For your information po, malinis ako. Hindi tulad ng iba diyan, bait-baitan, tapos nagmamilinis," parinig ko sabay tingin sa ceiling.

"You may go now," nilingon ako ni Zacharias.

Agad akong gumalaw at naglakad, pinanood ako ng babae. Tiningnan ako mula ulo hanggang paa kaya naparampa tuloy ako sabay tinaasan siya nang kilay.

Mas sexy ako sa iyo no!

Pagkalabas sa office ni Zacharias, bumaba na agad ako. Napagpasyahan kong maglakad-lakad sa labas para naman makabisado ko ang lugar.

Pumunta ako sa likod, mas malawak ang garden dito kumpara sa nadaanan namin kanina sa harap. Nakaayos nang mabuti ang mga tanim na bulaklak.

"Nian!"

Napalingon ako sa tumawag ng pangalan ko. Si Zachu, kumakaway sa akin. Nasa duyan siya at may kasamang matanda.

Ang uncle ni Zacharias.

Kinakabahan akong naglakad palapit sa kanila. Nakatitig sa akin ang matanda, napatingin din sa uniporme ko.

"Hello po," bati ko.

"You look good with that uniform."

"Thank you po, sir."

"Lolo daddy, she's what I've been telling to you who will help me get rid of my step mom."

Napapikit ako. Nakakahiya...

"Ah, sabi niya kasi bad ang step mom niya kaya nagpresinta akong tulungan siya."

Hindi ko na dinugtungan ang sinabi ko. Ayokong ipagsabi kung ano ang narinig ko kahapon sa usapan ng fiancé ni Zacharias at sa lalaki.

"Marunong kang pumili ng nanny, Zachu." Hinaplos niya ang buhok ng bata. "I have work to do, I need to go now. Your nanny is here, huwag mo siyang papagurin."

"Okay po."

"Take care of my son."

"I will," sabi ko, may ngiti sa labi.

Taray, marunong na pala ako mag-Ingles.

Tumango siya at naglakad na paalis. Para akong naghabol ng hininga pagkakitang malayo na siya, nakakakaba kasi. Malakas ang dating niya.

"Nian, where's daddy?" tanong ni Zachu.

"Nasa office, kasama niya ang stepmom mo," sagot ko, kitang-kita ko kung paano bumusangot ang kanyang mukha.

Baka masundan ka Zachu, matigas ang sawa, kaya posibleng may nagaganap na sa loob.