CHAPTER 10

BUMALIK AKO SA KWARTO at nakita ko siya na natutulog. Hindi kami magkatabi, doon siya sa sofa, medyo may pagkagentleman siyang kaunti rito. Sa kanya ang kama pero pinagamit niya sa akin.

Napatitig ako sa kanya ng maigi at napansin ko na sobrang gwapo niya. Matangos ang ilong, ang pula-pula ng labi, para siyang naka-lip tint at sobrang puti niya pa. Para siyang bampira. Medyo may pagka-curly ang pilik-mata niya tulad ni Claver. Kung siguro hindi siya Killer, masasabi mong perpekto ang panlabas niyang anyo.

Iniiwas ko ang tingin ko. Para akong matutunaw sa mukha niya. Nakakagaan tingnan, mukha siyang anghel kapag tulog. Demonyo kapag gising.

Hindi na muli ako nakatulog dahil sa napanaginipan ko. Favoritism si mama, gustong-gusto niya ay si Ate Leeanne. Lagi akong mali sa kanya at lagi akong pinupuntirya niya kahit si ate naman yung may kasalanan.

Naiisip ko, hinahanap kaya nila ako ngayon?

Namimiss ko na sila, lalo na si tito Marvin. Ang tumayo bilang ama ko, ang nagiging sandalan ko k