Kabanata 7

“Wala ‘yon,” tahimik na sabi ni Adele, nanatili ang tingin ng namumula niyang mata sa labas ng bintana.

Sa sumunod na pangyayari, nagliwanag ang langit dahil sa fireworks, kumikinang at maliwanag.

Agad maalala ni Adele ang sinabi ni Evelyn kanina—kung paano nagplano si Elias ng citywide fireworks display para i-celebrate ang pagbubuntis niya.

Nang mapansin ang tingin ni Adele sa fireworks, napuno ng pagmamahal ang mata ni Elias.

“Gusto mo ba nang ganito? Gagawa ako nang mas magarbong display para sa'yo. Mas maganda pa dito, pangako,” sabi niya, mahigpit niyang hawak si Adele at nilalambing ito gamit ang mahinahon niyang tono.

Bahagyang ngumiti si Adele pero may bakas ng pait at luha ang ngiti niya.

“Elias,” mahina niyang sabi, seryoso ang kaniyang boses, “Ayaw ko ng mga bagay na ginamit na ng iba.”

Fireworks man… o tao.

Natigil si Elias, tumutusok sa kaniya ang mga salita ni Adele. Kahit na ang fireworks naman talaga ang tinutukoy niya, nanikip ang dibdib niya sa hindi maipaliwanag na kaba.

Pagkatapos ng sandaling katahimikan, hinila niya ito palapit. “Kung ganoon maghahanda ako ng iba. Isang bagay na para lang sa'yo. Sisiguraduhin ko na hindi ka magseselos sa kahit sino.”

Walang sinabi si Adele, malamig ang tingin niya sa malayo. Hindi siya sumagot.

Sa mga sumunod na araw, maagang umalis si Elias at gabi na nakauwi, puno ng paglilihim ang kilos niya. Kahit ang household staff ay napansin na may kakaiba at hindi mapigilan na mang-asar.

“Mrs. Sterling, mukhang may inihandang sorpresa sa'yo si Mr. Sterling!”

“Oo, sobrang mapagmahal siya. Nang una, gumawa siya ng custom jewelry na para sa'yo at ngayon iba ang ginagawa niya. Isang sorpresa pagkatapos ng isa. Hindi siya nauubusan ng paraan para i-spoil ka!” Pero nanatiling walang ekspresyon si Adele, pinapakingga ang pag-uusap nila nang walang bakas ng reaksyon.

Nang gabing ‘yon, kinuha ni Elias ang kamay niya, hindi maitago ang excitement niya habang sinasamahan niya ito sa pinto.

“Addie, dadalhin kita sa isang lugar. Magugustuhan mo ‘to,” nakangiti niyang sabi.

Tatanggi na sana si Adele nang tumunog ang phone niya.

Mensahe ‘yon mula kay Evelyn.

“Adele, bakit hindi mo hulaan kung sino ang mas importante sa kaniya ngayon? Ikaw o ako?”

Sa susunod na pangyayari, tumunog ang phone ni Elias. Tiningnan ‘yon ni Adele at nakita ang screen. Larawan ‘yon mula kay Evelyn—isang close-up ng legs niya na may itim na stockings, kasama ang mapang-akit na mensahe, “Huwag mo ako paghintayin~”

Nagdilim ang mata ni Elias habang nakatitig sa larawan, bahagyang gumagalaw ang Adam's apple niya. Pagkatapos ng ilang segundo, binalik niya ang kaniyang phone sa kaniyang bulsa at tumingin kay Adele.

“Addie, may problema sa isang project sa trabaho. Kailangan ko agad ayusin,” sabi niya, kakaiba ang pagmamadali ng tono niya. “Sa susunod na lang ang sorpresa na ito, okay?”

Tahimik na tiningnan ni Adele si Elias, nakatitig siya rito.

Pagkatapos ay bahagya siyang tumawa, isang tawa na nagpataranta kay Elias.

Nang walang sinasabi, binuksan niya ang pinto ng sasakyan at lumabas.

Nagdalawang-isip si Elias pero pagkatapos lang ng tatlong segundo, umandar nang mabilis ang sasakyan at umalis, naiwan siyang nakatayo doon.

Pagkatapos ng ilang oras, nakatanggap si Adele ng mensahe mula kay Evelyn. Larawan yon ng trash bin na puno ng bukas na balot ng condom.

“Adele, natalo ka ulit. Akalain mo ‘yon? Buntis pa rin ako pero hindi siya makatiis. Gaano niya kaya ako kamahal sa tingin mo?”

Puno ng yabang ang tono ni Evelyn. Tiningnan ni Adele ang larawan pero kalmado at walang nagbago sa ekspresyon niya.

Napagdesisyunan niya na umalis. Hindi na siya masasaktan ng ganito.

Sa mga sumunod na araw, hindi umuwi si Elias. Hindi nagtanong si Adele o nagbigay ng pakialam kung nasaan siya. Pero, patuloy na nagpapadala ng mensahe si Evelyn.

Isang araw, larawan ‘yon ng prutas na perpekto ang pagkakahiwa. Nang sumunod naman, isang cabinet na puno ng luxury good. At picture ng pagkain na niluto mismo ni Elias.

Bawat mensahe ay deklarasyon kung gaano siya kamahal ni Elias.

Hindi ‘yon pinansin ni Adele.

Sa halip, tinuon niya ang kaniyang pansin sa pag-alis ng bakas niya mula sa bahay.

Kung mawawala siya, gagawin niya ito nang maayos.