Kabanata 47

TAHIMIK lang na nag-aalmusal sina Adelyn at Jacob nang umagang iyon ng Biyernes. Wala siyang binabanggit na kahit ano tungkol sa oras ng presentation niya sa El Nuevo Holdings, pero kahit na ganoon ay mukhang may alam ang kanyang asawa tungkol sa bagay na iyon. Ito na mismo ang unang nagbukas ng topic tungkol doon.

“Ala-una pa naman ng hapon ang presentation mo sa office, tama?” anang asawa niya sa pagitan ng pagsubo.

“Hm,” tipid na tugon ni Adelyn na nasundan ng tango.

Pero kahit na hapon pa iyon, pinaplano niyang magpunta nang mas maaga.

“Magkita na lang tayo pagkatapos para sabay tayong makauwi.

“Sasabay ka sa akin pauwi?” She cocked her head to the side. “Paano kung maaga akong matapos sa presentation at hindi pa naman tapos ang office hours mo?”

“A-ah… oo nga pala. Nawala iyan sa isip ko.” Uminom ito ng kape. “Anyway, basta sabihan mo ako kung ano ang kakalabasan ng presentation.

“Of course.” Humugot si Adelyn ng isang malalim na hininga. “After all, ikaw ang salarin kung bakit a