Chapter 5

Sa labis na pagkagulat ay tumalon si Sierra paalis sa kama. Muntik pa nitong matangay si Marco dahil sumabit ang isang paa nito sa kumot! Mabuti at agad din niyang naitulak pahiga ang asawa kaya hindi ito tuluyang bumagsak sa sahig! 

Napahawak si Sierra sa kanyang dibdib. Gulantang pa rin siya hanggang ngayon. Hindi niya alam kung gawa-gawa lamang ba iyon ng kanyang isipan o talagang gumalaw ang asawa. 

Ngunit ang isa ng imbalido ang asawa niya. Si Marco ay hindi na magiging aktibo pa! Kaya malabo iyong mangyari.

Subalit hindi kaya, may katotohanan ang sinabi ng kaibigang shaman ni Mrs. Montezides? 

Ipinilig ni Sierra ang kanyang ulo. Marahil ay napagod lamang siya sa as araw na ito kaya kung anu-ano na lang ang nakikita niya. Posible ngang pinalalaruan lang siya ng kanyang mga mata. 

Oo ‘di kaya’y nangungulila lamang siya sa kakulitan ng anak kaya nangyayari ito. Kung anu-ano na lang ang idinahilan ni Sierra sa kanyang utak habang kagat-kagat ang hintuturo. 

Ngunit sa kabila ng lahat ng kanyang pinagdadahilang iyon ay sumipol pa rin ang kuryusidad ni Sierra. Gusto niyang huwag na lamang iyong gawin ngunit talagang mayroong nag-uusig sa kaloob-looban niyang gawin ito. 

Ibinaba ni Sierra ang mga kamay at ipinagsalikop iyon sa kanyang likuran. Humugot siya ng hangin mula sa kanyang dibdib, kagat-kagat ang pang-ibabang labi ay patingkayad siyang lumapit sa kaliwang bahagi ng kama, kung nasaan ang likod ni Marco. 

Bahagya kasi itong nakatagilid kaya kaunting galaw lang niya ay may posibilidad itong mahulog. Hindi maintindihan ni Sierra kung bakit ganito ang posisyon ng asawa, ipagbibigay alam na lamang niya sa nurse nito mamaya at baka nakalimutan nito. 

Ipinalobo ni Sierra ang kanyang pisngi at umusbong na naman ang kaba sa kanyang dibdib. Wala pa man siyang ginagawa ay nagwawala na ang mga paru-paro sa kanyang tiyan. Ganoon ito tuwing kinakabahan. 

Isa. Dalawa. Tatlo. 

Dahan-dahang dumukwang si Sierra upang bahagyang ilapit ang kanyang ulo sa dibdib ng asawa. Nais niyang marinig tibok ng puso ng asawa dahil baka hindi na pala ito humihinga! Mahirap na at baka siya pa ang mapagbintangan! 

Parang tambol ang dagungdong sa dibdib ni Sierra, ngunit desidido na siya at talagang mas lumapit pa upang mailapat ng mabuti ang tainga sa dibdib ng hindi aktibong asawa. 

Napalunok si Sierra sa nang marinig ang tibok ng puso nito. Wala sa sariling dinama rin niya ang tibok ng sariling puso at nangunot ang noo. Bakit parang parehong mabilis ang tibok ng kanilang puso? 

“Alam mo, kung hindi ka lang imbalido, iisipin kong nai-intimidate ka sa akin. Crush mo ako, ‘no?” Mapaglarong sambit ni Sierra. “Sayang naman ang wedding night natin, tulog ka. Ano na lang ang gagawin kong mag-isa? Mag-imagine sa kung kaya mong gawin sa akin?” Dagdag na bulong pa ni Sierra. “Hoy, Marco, magaling ka ba sa kama?” Pilya pa niyang sinabi, pinamulahan siya sa sariling sinabi. “Shh! Sorry! Sorry! Sana ay hindi ka bangungutin sa mga sinabi ko, ah! Very good ka lang diyan, sleep like a baby, hubby. Goodnight!” 

Nagmadaling umalis si Sierra sa pagkakasnadal sa dibdib ng asawa nang bigla siyang mawalan ng balanse, itinukod niya ang isang kamay sa malambot na kama ngunit dahil nag-iingat siyang huwag madaganan si Marco ay huli na nang mapansin niya ang maliit na bilog na bagay na nasa gilid niya, iyon pa naman ang napatungan ng kanyang kamay kaya naman dumulas ito at gumulong.

“Oh my, oh my!” Impit na lamang na napatili si Sierra nang tuluyan niyang masagi ang balikat ng asawa at bumagsak sa ibabaw nito! 

Dahil hindi naman siya gaanong katangkaran at ang asawa ay malaking tao, nalislis ang kanyang wedding dress ay bahagyang nakapatong ang isang hita nito sa hita ni Marco. Ang kaliwang kamay ay nakatapat sa dibdib ng asawa. 

Ibinaba niya ang nakapatong na paa, nang makatayo ng maayos ay inayos niya ang pwesto ng asawa kahit pa man mabigat ito. Inangat niya na rin ang comforter nito upang makumutan ng maayos ngunit ganoon na lamang ang gulat ni Sierra nang may masagi ang kanyang palad. 

Malaki, matigas at mainit. 

Sa nangungunot na noo ay sinilip niya iyon sa ilalim ng comforter sa pag-aakalang may heater sa loob o anuman. 

Ngunit ganoon na lamang ang gitla ni Sierra sa nasaksihan. Hindi iyon heater o ano pa mang bagay kundi… 

Iyon ay ang pagkalalaki ng kanyang asawa! 

Nagpabalik-balik ang tingin ni Sierra sa walang malay na asawa at sa sumasaludo nitong kaibigan. Nag-init ang kanyang mga mata at wala sa sariling nag-iwas ng tingin ngunit hindi rin naman napipigilan ang sariling silipin ito. 

Napalabi siya. Hindi rin ba imbalido ang bagay na ito? 

Bakit tila mayroon itong physiological reaction? 

Inayos na lang niya sa pagkakakumot si Marco nang marinig ang tunog ng kanyang telepono. Kinalma niya ang sarili dahil nag-iinit na ang kanyang mukha sa mga nasaksihan. 

“Gwen, bakit?” Bungad nitong tanong rito. 

“Julian Montezides. Ngayong isa ka ng ganap na Montezides kagaya ng iyong pinaplano. Ang iyong dating kasintahan ay kasalukuyang nakikipagmabutihan sa mga Narvaez, specifically, Slyvio Narvaez. Masyado siyang takot na maagaw mo ang posisyon niya sa kompanya kaya naghahanap na siya ng kakampi.” Imporma sa kanya ni Gwen. 

Narvaez. Ang pinakamayamang pamilya sa buong bansa maging sa pang-international. Maging ang mga Montezides ay hindi pumapantay sa kanilang kayamanan. 

Slyvio Narvaez. Ang business tycoon na misteryoso at nabibilang pa lamang sa mga kamay ang nakakakilala sa kanya ng personal.