NANG pumailanlang ang sweet music, kinabig siya ni Tristan. Uminit ang mukha niya nang mapasandal sa dibdib ng binata. Naririnig niya ang mabilis na tibok ng puso nito.
“Paniwalaan mo kaya ang sasabihin ko sa ‘yo, Jewel?”
Nag-angat siya ng mukha. Nakita niya ang paggalaw ng adam’s apple nito.
“A-ano ba ang sasabihin mo?”
“Gusto kita, Jewel,” pag-amin nito.
Totoo ba ang narinig niya?
Baka naman ilusyon pag-ibig niya lang ‘yon?
“T-totoo ba ang sinasabi mo, Tristan?”
“Yes. Gusto kita, Jewel. M-mahal na nga yata kita.” Tila iyon isang tape recorder na panay rewind sa utak niya. Naramdaman niyang masuyo nitong hinahaplos ang kanyang buhok sa likuran.
To the highest level ang kaligayahang nadama niya sa gabing iyon. Ika nga, walang katumbas. Kaligayahang pinutol ng galit na galit na tinig ng kanyang ina na biglang lumitaw sa gitna ng malawak na lawn.
Nabitawan siya ni Tristan nang biglang may humalbot sa buhok niya mula sa kanyang likuran. Nasaktan siya. Pakiramdam niya ay matatanggal ang kanyang anit sa ulo.
“Ate Vivian, bitawan mo ang buhok ko. Nasasaktan ako!” Sinubukan niyang hiklasin ang kamay nito na mahigpit ang pagkakakapit sa kanyang buhok.
Nakita naman ni Rochelle ang ginawa ni Vivian sa kaibigan. Mabilis na sinaklolohan nito si Jewel. “Kahit kailan talaga, demonyita ka!”
Nabitawan ni Vivian ang buhok ni Jewel nang kagatin ito sa kamay ni Rochelle.
“How dare you! Bakit mo ako kinagat, ha?”
Hindi sumagot si Rochelle, mahigpit siyang niyakap ng kaibigan.
“Sino ang nagbigay ng karapatan sa ‘yong babae ka na magpa-party rito?”
“M-ma. . .” Nangatal ang mga labi niya sa nakikitang galit sa mukha nito.
Hindi lang iyon ang unang beses na ginawang pagpapahiya sa kanya ng ina at Vivian. Nagsimula nang mag-panic at mag-usyoso ang mga tao na imbitado, karamihan ay classmates niya.
“Ma,” singit ni Vivian, naniningkit sa galit ang mga mata. “Imagine, mukhang balak pa yatang landiin ang manliligaw kong si Tristan ng babaeng 'yan!”
“What?” maang na reaksyon ni Tristan. Nabigla rin ito sa nangyari. Nang subukan yakapin ni Vivian ang binata ay umiwas ito.
Nagpalipat-lipat ang tingin niya kay Tristan, sa lalaking kanina lang ay nagtatapat ng pag-ibig sa kanya, at sa kanyang Ate Vivian. Nasaktan siya sa kanyang nalaman. May balak pa yata ang binata na tuhugin silang magkapatid.
“She’s lying, Jewel,” paliwanag ni Tristan.
“Hindi ako sinungaling, Tristan. Kahapon lang ay nabasa ko ang love letter mo. Binigay sa ‘kin ng mga kaibigan mo.”
“Nagkakamali ka,” patuloy pa rin sa pagtanggi ang binata.
“Hoy, lalaki!” Hinarap ito ni Sonia. “Umalis ka na, at ‘wag na ‘wag ko makikita ‘yang pagmumukha mo rito sa aking pamamahay!”
Napalunok si Jewel. Hiyang-hiyang siya sa inasal ng kanyang ina. Nakita niyang gusto siyang lapitan ni Tristan pero nagpasya na ring tumalikod para umalis.
“Ang kapal talaga ng mukha mong babae kang gawin pa ang selebrasyon sa pamamahay ko,” patuloy ni Sonia na pagigil pang hinawakan ang braso ng nabiglang si Jewel. Hinila siya ng ina palayo sa kaibigan niya. Hinarap nito ang kanyang mga bisita. “Tapos na ang kasiyahang ito! Maaari na kayong umuwing lahat!”
Isa-isang tumayo ang mga panauhin. Nagbubulungan habang paalis sa malawak na lawn ng mga Buenavista.
“M-Ma, nagtapos ho ako ng high school with honors.” Nangilid sa luha ang kanyang mga mata. Naniniwala kasi siyang ang pagtatapos ng high school ay isang achievement na dapat ipagpasalamat.
“So?” si Vivian, humalukipkip ito at tinaasan siya ng kilay. “Ano naman ngayon? Wala naman pakialam si Mama kahit mapuno pa ng medalya ang leeg mo! Ang issue rito, hindi ka niya binigyan karapatan gawin dito sa bakuran ang selebrasyon na inuungot mo sa kanya. Pero ano, ha? Nagpatuloy ka pa rin. Ingrata!”
“Watch your words kung ayaw mong ipakain ko sa ‘yo, Vivian!” pasigaw na babala ni Cesar. Mabilis itong lumabas ng kabahayan nang sabihin ng kasambahay na nagkakagulo sa bakuran.
“Pa?” Namutla si Vivian. Mabilis na sumiksik sa katawan ng ina. Natakot ito sa nakikitang galit sa mukha ng ama.
“Ano’ng kaguluhan ito, Sonia?” tanong ni Cesar nang harapin ang asawa.
“Ito kasing anak mo, nagpa-party sa bakuran ng pamamahay ko. Wala siyang karapatan na gawin ‘yon.” Galit na tiningnan ni Sonia si Jewel.
Pagak na tumawa si Cesar. Masama ang loob na tinignan sa mukha ang asawa. “Karapatan din naman ng anak ko ang magdiwang sa loob ng tahanang ito, Sonia. At kung pag-uusapan ang karapatan ay mas higit na may karapatan si Jewel kaysa sa inyong mag-ina!”
“C-Cesar?” Namutla si Sonia. May laman ang salitang binitawan ng asawa. “Kung magsalita ka parang hindi mo anak si Vivian!”
“Handa sana akong patawarin ka, Sonia. Dahil mahal kita. Pero sumosobra ka na. Handa–” Mabilis na sinapo nito ang tapat ng dibdib sa pakiramdam na nagsikip iyon.
“P-Papa?” hintakot na sambit ni Jewel. Nakita niyang nagusot ang mukha ng ama. Nahihirapan itong huminga.
“C-Cesar?” Kinabahan si Sonia nang makitang namumutla ang mukha ng asawa.
Mabilis na nilapitan ni Jewel ang ama. Inalalayan niya ito sa likod at braso. “Ano ang nangyari sa inyo, Papa?”
“J-Jewel, patawarin mo ako, anak. . . B-balang araw ay may magandang kapalit ang lahat ng mga paghihirap ng kalooban mo. Huwag mong paiiralin ang galit sa iyong puso. Palagi kang handang magpatawad. M-mahal na mahal kita–” hindi na natapos ni Cesar ang sana'y sasabihin pa. Walang buhay itong bumagsak sa mga braso ni Jewel.
“Papaaaaa!”
“Cesar!” sigaw ni Sonia. Histerikal itong sumigaw sa malawak na lawn.
“Papa!” Sinubukan niyang gisingin ang wala nang buhay na ama. “Ma, dalhin natin sa ospital si Papa!” humahagulgol na pakiusap niya sa ina. Yakap-yakap niya ang katawan ng ama.
Dinala nila sa ospital si Cesar. Umiiyak si Jewel habang umuusal ng dasal sa non-denominational chapels na nasa loob ng ospital. Hinihiling niya sa Diyos na ‘wag muna nitong bawiin ang binigay na buhay sa kanyang ama.
Mahal na mahal niya si Papa Cesar. Ito lang ang nagpakita sa kanya ng pag-aalala at pagmamahal na pinagdadamot sa kanya ng inang si Sonia. Ang kanyang Papa Cesar ang tanging kakampi niya sa tuwing pakiramdam niya’y inaapi siya ng ina’t kapatid.
Ngunit hindi naging sapat ang mga dasal niya. Kahit lumuha siya ng dugo, hindi na magbabago ang katotohanang wala na ang kanyang ama.
NAILIBING si Cesar pagkaraan ng apat na araw. At sa pagpanaw nito, pakiramdam ni Jewel, lalo siyang nag-isa sa mundo. Naulila. May ina pa, subalit hindi naman ganap na maangking ina. Dahil kahit pumanaw na ang kanyang ama, hindi pa rin nagbago ang pakikitungo sa kanya ni Mama Sonia. Hindi pa rin niya maramdaman ang pagmamahal nito na kay tagal niya nang inaasam-asam. May kapatid, subalit napakalayo ng kalooban nito sa kanya. At dahil doon, nais na rin hilingin ni Jewel na sana’y tulad ng kanyang ama, namatay na rin siya. Ano pa’t nabuhay siya sa mundo kung puro paghihirap at pasakit lang ng kanyang kalooban ang nadarama. Isang mapagpalang kamay ang naramdaman nang nagdadalamhati na si Jewel. Napatingin siya sa kamay na nakadantay sa kanyang balikat. “Gabi na, Jewel, oras na para umuwi ka.” “Yaya Lourdes,” usal niya nang mag-angat siya ng mukha. Ang butihing matanda na nag-aruga, at nagmahal sa kanya. “Tama na ang pag-iyak. Baka makasama sa ‘yo. Halos buong burol ng iyong Papa, um
MULING isinara ni Vivian ang pinto ng library kaya naman tumama ang wine glass sa pinto. "Ma!” ani Vivian nang muling buksan ang pinto at pumasok ng library. “Muntik na akong tamaan ng pinalipad mong wine glass.” “I’m sorry.” Nasapo ni Sonia ang sariling noo. “Nakakainit kasi ng ulo ang ginawa ng iyong ama!” “Speaking of him, nabanggit niya sa testamento na may kapatid siya. Bakit hindi niya nababanggit sa ‘tin?” Umupo ang dalaga sa silya. “I don’t know. Iyon nga rin ang ipinagtataka ko. Wala siyang nabanggit sa ‘kin tungkol sa kapatid niya at sa mga naiwang ari-arian ng kanilang pamilya.” Marahas na umupo sa ottoman chair si Sonia. “Inaasahan ko na sa akin o sa ‘yo mapupunta ang kumpanya. At ang nakakainis pa ay iba ang inihalili niya sa posisyong Director. Matagal ko nang inaasam ang posisyong ‘yon.” “Ma, anak ba talaga ako ni Papa?” seryoso ang mukhang tanong ni Vivian. Natigilan naman si Sonia. Hindi magawang salubungin ang mga mata ng anak. “O-oo naman.” “E, bakit gano’n?
NAGSIMULANG kumain si Sonia. Kapuna-puna namang kung anu-ano ang hinihingi ni Vivian na lalong ikinataranta ni Jewel. At nang halos ay sabay pang natapos ang dalawa kumain, muli siyang tinapunan ng maawtoridad na tingin ng ina. “As what I’ve said, titigil ka na sa pag-aaral mo. Wala na si Yaya Lourdes at Pacing. Ikaw na simula ngayon ang gagawa sa lahat ng gawaing bahay pati ang pagluluto.” “Pero, Ma!” tutol niya. Uminit ang sulok ng kanyang mga mata, nagbabadyang lumuha. “Hindi pa tapos ang aking sinasabi kaya ‘wag kang sumabat, Jewel!” Nanlilisik ang mga ni Sonia. Kagat-labi siyang natahimik. At walang nagawa kung hindi ang humanda sa iba pang sasabihin ng ina. “Wala na akong ipapasahod pa sa kanila. Isa pa, hindi naman na kayo alagain pa ni Vivian. Kaya nagdesisyon ako at ‘yon ay final. Titigil ka sa pag-aaral at magsisilbi sa amin ng anak ko. Wala na rin akong sapat na pera para matustusan ang pag-aaral mo.” “Ma, first year college pa lang po ako at magsisimula pa lang. Ayo
NAISIP niya, mas mahalaga kay Vivian ang career bilang modelo kaya hindi nito mabibigyan ng apo ang ina nila. “P-pero, Ma…” ang layon niya ang magprotesta. It’s unfair! Napakabigat naman yatang kasunduan niyon kapalit ng hinihingi niya at inililimos na pagmamahal mula sa ina. “Hindi mo kayang gawin? Pwes, wala kang aasahan sa akin!” asik ni Sonia na nagmumura pang tinalikuran siya. Iniwan siyang tigagal at hindi makahuma. Ganoon ba kababa ang tingin ng ina sa kanya para gawin ang hinihiling nito? Nagtatalo sa isip kung pagbibigyan ang ina o hindi sa kagustuhan nitong gawin niya kapalit ng inaamot niya buhat dito. Bakit ba napakahirap para sa ina ang mahalin siya? Ang sakit-sakit namang kahilingan niyon. Lalo na’t wala naman siyang nobyo. Kanino siya pasisiping? Sinong matinong lalaki ang bubuntisin siya, mabigyang kasiyahan lamang ang ina? Mabilis na pinahid ni Jewel ang luhaang mga mata sa pagsigid ng mapait na alaalang iyon sa kanyang gising na diwa. Doon natapos ang pagbaba
MALALIM siyang humugot ng paghinga bago marahang tumango. “Yes, you’re right. Kailangan ko talaga ng tulong mo.” “Ows?” “Very badly…” Mixed emotions ang nabasa niyang bumadha sa mukha ni Rochelle, matapos na sa pahikbi-hikbing paraan ay isatinig niya rito kung bakit naroon siya at kailangang-kailangan ang tulong nito. “Tsk! Kahit kailan talaga, shit sa akin ‘yang kapatid mo!” pagigil nitong sabi. “At pati na rin ang ‘yong ina! Hanggang ngayon pala, wala pa ring mabango sa kanya kung hindi ang paborito at pinakamamahal niyang anak! Paano nila naatim na gawin kang katulong? Kung bakit naman kasi nagtitiis ka pa? Napakamasunurin mong anak na ewan! Mabuti na lang at natuloy ang pag-aaral mo." “Pinilit ko kahit napakahirap, dahil para akong salarin na nagtatago kay Mama. Ayokong malaman nilang palihim akong nag-aaral kapag wala sila sa bahay. Isang taon na lang at ga-gradweyt na ako. Pangako, tutulungan kita, Rochelle. Aalisin kita sa lugar na ito. Konting tiis na lang.” “Naku, ‘wag
HINILA siya palabas ni Rochelle sa pinagtatrabahuan nito. “Anybody, mga past costumer mo, will do for me. Huwag lang ang bouncer security ng bar na ito,” pilit ni Jewel sa kaibigan. Matagal na hindi kumibo si Rochelle. Mataman siya nitong tinitigan sa mga mata. Na wari bang binabasa ang kalooban niya. “Ikaw ba’y sigurado sa gusto mong mangyari?” Tumikhim siya upang alisin ang kung ano mang bumara sa lalamunan niya bago sumagot. “Yes, hundred percent sure ako. Hindi na magbabago ang aking pasya.” “Sa gagawin mo, sinasabi ko sa ‘yo, you have to be strong. To be brave. Ibig ko sabihin, ‘yong consequences. B-baka umasa ka pagkatapos ng ‘laro’ na gusto mong mangyari, maglumuhod sa ‘yo ang lalaki para pakasalan ka.” Para siyang ngumuya ng ampalaya sa pait ng ngiting bumalatay sa labi niya. Ngunit pilit na ikinukubli ang pait na nararamdaman. “Ang mga lalaki ay hindi ganoon, alam ko.” “Absolutely. At hindi ang lalaking nasa isip ko na siyang makakasiping mo, Jewel.” Biglang lumiwanag
NAPAKARAMING panunukso ang natanggap ni Red buhat sa mga kaibigan. May mga panahon na nasabihan din siya ng babae na isa siyang ‘bakla’. But still, hindi nagawang baguhin ng mga panunuksong iyon ang kanyang prinsipyo. Na kung ang babae, dapat ay ‘birhen’ sa unang gabi nila ng lalaking pinakasalan niya. Bakit hindi hayaang mangyari ang mga prinsipyong iyon sa isang lalaki. At sa kanya magsisimula iyon.Nais ni Red, tulad din ng babaing kanyang nakatakdang pakasalan–kapwa sila ‘birhen’ sa gabi ng kanilang honeymoon.Weird idea! Lalo’t sa isang lalaking tulad niya na hindi naman nahuhuli sa kagwapuhan ng mga kaibigan ang pag-uusapan. Kung tutuusin, mas lamang siya sa mga ito dahil hindi na niya kailangan pumunta sa fitness gym para lamang magkaroon ng magandang hubog ng katawan. Katulad ng Kuya Draven niya, macho na siya talaga. Patunay na isa siyang Collins. His origin.Subalit ang prinsipyong iyon, ni isa man ay wala siyang pinagsabihan. Bakit naman niya ipagsasabi ang mga ito? E, 'di
Warning: ⚠️[R-18] Not suitable for young readers or sensitive minds. Contains graphic sex scenes, adult language and situation intended for mature readers only. PIKIT ang mga mata, kagat-labi si Jewel nang ganap na lukubin ng liwanag ang kabuuan niya. “What the heck?” narinig niyang sinambit ng lalaki. Halatang nagulat ito. Nais niyang takasan ang tagpong iyon na nakatayo siya sa harapan nito na alam niyang nakatitig sa kanya. Basta siya, mariin pa ring nakapikit ang mga mata sa matinding kahihiyang nararamdaman nang mga sandaling iyon. Kaba. kahihiyan. At takot para sa lalaking alam niyang matalim ang mga matang nakatingin sa kanya. She has a strong desire that serves as a fire to accomplish her mission. Maging ang tinig ng kaibigan na paulit-ulit siyang pinapaunawa, naalala niya. ‘Hindi ito isang kuwento sa mga nobelang nabasa mong may happy ending, Jewel.’ ‘You have to be brave. To be strong. Baka umasa kang after ng ‘laro sa apoy’ na gusto mong mangyari, maglumuhod sa ‘