CHAPTER 21

IYON nga ang naging set up namin sa sumunod na dalawang araw. Hangga't maaari ay hindi kami nag-uusap o kahit man lang magdapo ang mga tingin. Maliban na lang kapag kasama namin si Inez. Pero kahit ganoon ay umiiwas talaga akong makipag-eye-to-eye contact sa kanya.

Iyon nga lang, nakalimutan kong observant itong supling namin at kung anong unusual na nagaganap ay napapansin niya. Katulad ngayon, kasalukuyan kaming nasa food court ng mall at kumakain ng ice cream. Hindi sumama si Elias dahil may iba raw gagawin. Pero ang totoo ay hindi siya pwedeng lumabas sa matataong lugar dahil baka kuyugin siya.

"Sandra, hindi kayo bati ni Papa?" Tanong ni Inez nang malunok ang kasusubo lang na ice cream.

Sumalok muna ako sa kinakain kong halo-halo bago siya sagutin. "Hindi ah," defensive kong sagot na ikinabusangot ng bilog niyang mukha. Hindi naniniwala. Natawa naman ako. "Bakit mo naman naitatanong? Ano ba ang napapansin mo at nakapagsabi kang hindi kami bati?" Usisa ko.

Sandaling nangunot a