CHAPTER 4

Grabe ang hot pala magutom ng mga bampira.

Kung mgiging bampira ako, mas hot s’yempre isama pa na cute ako.

Naputol ang pag iimagine ko ng makitang masama ang tingin sa’kin ng bampira, agad akong pumasok sa restaurant at lumapit dito. Nasa loob na ‘to ng VIP room at mayroong dalawang grill.

“Ano bang gagawin natin dito, unang araw ko sa klase ngayon pero inakit mo ako mag cutting. Hindi ko alam na may bampirang bad influence!” Dire-diretsong sabi ko dito, hindi ako nito pinansin at nanatiling nakatingin sa ibang direks’yon.

Mabilis na dumating ang mga sangkap at nagsimula na akong may lagay ng karne sa grill gamit ang tongs. Pero si bampira ay nanatiling walang imik at nakatitig lang sa ginagawa ko. Siguro balak muna ako nitong busogin bago kainin, tsk mas’yadong sigurista ang bampirang ito.

Dahil nakatingin parin ‘to sa ginagawa ko ay mabilis kong dinampot ang tongs nito at ikinuha s’ya ng karne, inilagay ko ‘yon sa grill na nasa tapat n’ya.

“Kumain ka, baka mamaya ay kulangin ka pa sa’kin!” masungit na sabi ko dito. Nakatingin lang naman ito sa ginagawa ko, madaming karne ang inilagay ko para mabusog talaga ‘to at magbago ang isip na kainin ako.

“Actually, this is my first time eating sampgyeop in public. I always eat in my mansion, mga katulong ang gumagawa ng gan’yan para sa’kin. So, I don’t know anything about this.” Sabi nito habang nakaturo sa mga gulay at side dishes.

Napaawang ang bibig ko at di makapaniwalang tiningnan ‘to.

“Seryoso? Ano ka ba namang klaseng bampira? Sa tagal mo naman na sigurong nabubuhay sa mundo ay malamang nakakain ka na n’yan!” Hindi makapaniwalang sabi ko dito, malamig lang ako nitong tiningnan .

“I told you, kumakain ako ng ganito pero dinadala na sa’kin ‘yon ng mga katulong na nakaarranged na. Isasawsaw ko nalang sa mozzarella cheese.” Malamig paring sabi nito, napatapik ako sa noo ko.

Ito ang hirap kapag lumaki kang mayaman at may katulong, mabuti nalang hindi kami pinalaking ganun ni Mommy. Pinalaki kasi ako ni Mommy na cute habang si Dianna ay pinalaki sa sama ng loob.

“Gayahin mo’ko, abusadong bampira.” Sabi ko dito bago kumuha ng isang Lettuce at nilagyan ng Spicy r****h salad tapos kumuha ako ng karne at isinawsaw ito sa mozzarella cheese. Binalot ko na ito at inabot sa kan’ya.

“Say ahhh…” Sabi ko dito, halata namang nagulat ito at napanganga nalang.

Mabilis ko itong isinubo sa kan’ya, dahan dahan n’ya itong nginuya.

“Masarap ba?” Tanung ko dito, tumango lang ito sa’kin at dumampot ng lettuce. Ginaya nito ang ginawa ko.

“P’wede mong itry lahat ng side dishes.” Sabi ko dito, tumango naman ito sa’kin.

Hindi ko alam bakit ako napangiti, iniwas ko nalang ang tingin ko at nag umpisa narin kumain.

Nang matapos na kami ay mabilis na lumabas ‘yong bampira kaya dali dali akong sumunod dito, grabe sobrang busog ko. Parang biglang nawala ang sakit ng katawan ko.

“Umuwi ka na,” sabi lang nito at pinaharurot ang kan’yang mustang.

“Hindi manlang ako nakapag pasalamat, nakapag pasalamat dahil hindi n’ya ako kinain.” Sabi ko sa hangin, bigla namang may dumaan sa harap ko.

“Nako Iha, kung gano’n kagwapo at kakisig ang kakain sa’yo ay talagang titirik ang mga mata mo.” Sabi nung manang na dumaan sa harap ko.

Muka itong pulubi na hindi maintindihan, para itong may sira sa utak dahil tawa ito ng tawa ng malakas.

Pero teka, anong sabi nito?

Titirik ang mga mata ko? Bakit? Ganun ba pag kinagat ng bampira?

Parang hindi naman yata, hindi naman ganun ang mga napapanuod kong Vampire movies tsk.

Mabilis akong pumara ng taxi, mabuti nalang at may tumigil sa harap ko. Sumakay ako dito at ibiniay ang address ko bago tumingin sa labas ng bintana.

‘Magkikita pa kaya kami?’ tanong ko sa sarili ko. Nag iling iling ako at pilit inalis sa isip ‘yon.

“Tanga ka ba, Ice? Muntik ka na ngang kainin ‘nung lalaki ay iisipin mo pa kung magkikita pa kayo?!” Nahihibang na sabi ko sa sarili ko.

“Ayos lang po baga kayo, Ma’am?” Napatingin naman ako sa driver at napatahimik.

Hindi ko namalayan na nasabi ko na pala ng malakas ang aking nasa isip.

Hindi na kao nakasagot dito dahil pababa na ako, binigay ko dito ‘yong 1000 bill bago bumaba.

Narinig ko pang tinatawag ako nung driver pero ‘di ko na pinansin. Sa kan’ya na ang sukli, nakakahiya ang ginawa ko kanina, huhuhu.

Nakasalubong ko naman si Mommy, mukang nagmamadali itong umalis. Marami ‘tong dalang mga papeles.

“Akala ko nasa school ka? Bakit ang agap mo naman yatang umuwi?” Nagtatakang tanung nito, yumakap ako dito at humalik sa pisnge.

“Tigilan mo’ko sa kakaganyan, nag cutting ka ba?” Simangot na tanong ni Mommy, mabilis naman akong umiling iling dito.

“Hindi po Mommy, pinauwi na po ako ni Prof dahil mas’yado na daw akong magaling at cute.” Sabi ko dito at itinaas baba pa ang aking kilay, tiningnan naman ako ni Mommy na parang sinusuri.

“Oh s’ya, kung anuman ang dahilan mo ay mamaya na natin pag usapag. Marami pa akong aasikasuhin. “ Sabi nito bago tuluyang pumasok sa kan’yang sasakyan, hinintay ko naman na makalabas ng gate ang sasakyan nito at kumaway bago tuluyang pumasok sa loob.

Dala ng pananakit ng katawan ay kusang bumagsak ang aking katawan sa aking malambot na kama. Hindi ko na nagawang alisin pa ang aking sapatos at bag, para akong isang cellphone na nawalan ng baterya.

Habang unti unting sumasara ang talukap ng aking mga mata ay naramdaman ko ang mainit na likidong dumaloy palabas mula rito.

What a day.