Chapter 113

Makalipas ng apat na araw, masasabi kong medyo kabisado ko na ang bawat trabaho ko as an admin. Tinitignan na lang ni Angelica ang ginagawa ko and so far, wala pa naman akong palya.

Sa loob din ng apat na araw matapos ang naging pag-uusap namin ni mama, madalas na akong nagtutungo sa simbahan bago umuwi ng bahay. Gusto kong humingi ng tawad sa Maykapal sa galit na tinanim ko sa puso ko. Alam kong mali at pinagsisisihan ko 'yon.

Bukod doon, inalala ko rin si mama bilang magulang ko. Wala na ang papa ko kaya siya ang natitirang magulang namin ni Matthew. Ayoko siyang biguin sa pagiging mabuti niyang ina para sa 'min ng kapatid ko. Dahil sa ginawa ko, na-disappoint ko siya.

Higit sa lahat, naging makasarili din akong ina sa anak kong si Madrid. Sa tindi ng galit at poot ko, nakalimutan ko ang nararamdaman ng anak ko. Mahal na mahal ko si Madrid kaya ngayon, handa kong ayusin ang lahat.

"Mathia, tawag ka ni sir," sabi ni Angelica habang inaayos ko ang desk ko.

"Sige, saglit lang," sagot k