Kabanata 13 - Okay lang, Mommy!

Eloise's Point of View

Bigla na lamang niya akong kinabig papalapit sa kanya at saka marahan na hinalikan ang aking mga labi. Ipinasok niya ang kanyang dila sa loob ng aking bibig at saka marahas akong siniil nang halik.

Halos angkinin niya iyon na para bang kanyang pag-aari ito.

"A-anong nangyayari dito, Elijah?"

Gulat kong naitulak si Elijah. Dumilim naman ang awra ng kanyang mukha dahil tila nabitin ito. Sabay kaming napalingon sa bagong dating. Halos mamutla ang babae sa kanyang nakita. Ang mga kamay nito ay nakatabon sa mga mata ng batang kasama nito.

Nanlaki ang aking mga mata. Kung hindi ako nagkakamali, Sofia ang pangalan nito. Siya ang babaeng nakilala ko sa Ospital limang taon na ang nakakaraan. Hindi ako makatingin nang diretso sa babae. Kung pumupunta dito ang babae, maaaring may relasyon sila ni Elijah. Siya ang karibal ni Brynne sa lalaki.

'Sana'y hindi niya ako natatandaan.' Bulong ko sa aking sarili.

Parang balewala naman kay Elijah kung naroroon ang babae at ang ana