CHAPTER 2

Nakapikit si Alessandra habang hinihintay ang paglapat ng mga labi ni Rafael sa kaniya. Ilang beses siyang napalunok ng laway habang nag-aabang sa pagdampi niyon, ngunit ilang segundo na ang lumipas ngunit wala. Hanggang sa marinig niya ang impit na tawa ng lalaki.

Idinilat niya ang kaniyang mga mata at ganoon na lamang ang kaniyang pagkadismaya nang makita itong sapo ang tiyan at halos mangiyak-ngiyak na sa katatawa.

“You thought . . . I’d kiss you? Oh, Alessandra! You made my day,” sabi nito sa pagitan ng pigil na pagtawa.

Mariin niyang kinagat ang pang-ibabang labi dahil sa sobrang pagkainis. Inis dahil inaasar siya nito o inis dahil hindi natuloy ang iniisip niyang balak nitong gawin? Ano man ang dahilan, hindi niya batid.

“You bastard!” Sinabunutan niya ito at pinagsusuntok sa bandang balikat. Panay naman ang sangga nito gamit ang braso, hindi pa rin mapatid sa pagtawa.

“A-Alessandra, stop, or else you’ll regret it!” may pagbabanta nitong sabi ngunit hindi siya nagpatinag. Nagpatuloy siya sa paghampas dito, ngunit natigilan nang mahawakan nito ang kaniyang kamay kasunod ang paghapit nito sa kaniyang balakang.

“Bitawan mo ako! Bwisit ka talaga!” singhal niya sa lalaki. Kumawag siya para makawala ngunit lalo lang nitong hinigpitan ang yakap sa kaniya.

“I told you, you’ll regret it.” Ngumisi ito na tila may binabalak na masama, at hindi nga siya nagkamali. Napatili siya nang bigla siya nitong pasanin sa malapad nitong balikat.

“Rafi, ano ba? Ibaba mo ako!” Pinagsusuntok niya ang likod nito.

“Masusunod kamahalan!”

Muli siyang napasigaw nang ibalibag siya nito sa kama.

“Ang sama talaga ng ugali mo, Rafael Villareal! Humanda ka, makagaganti rin ako sa ’yo!”

Pinagbabato niya ito ng mga unan ngunit walang hirap na nailagan lang nito ang lahat ng iyon.

“Wow, I’m so scared, Alessandra Delos Reyes. Get out now, unless you want to see me naked. I actually prefer an audience when I get dressed.”

Akmang hinawakan nito ang nakatapis na tuwalya sa baywang. Mabilis niyang natakpan ang mga mata nang tangkain nitong tanggalin iyon.

“Pervert!” hiyaw niya bago patakbong lumabas ng silid. Ngunit bago pa maabot ang pinto ay nahablot nito ang kamay niya.

“C’mon, Ale! You might like the view,” muling pang-aasar nito. Pumitik ang kaniyang paa na tumama sa pagitan ng mga hita nito.

“U-ugh fuck, Alessandra! T-that’s fucking hurts!” nakangiwing daing nito habang sapo ang nasa pagitan ng mga hita. Bago pa ito makahuma ay kumaripas na siya ng takbo.

Pulang-pula at hinihingal siya nang makarating sa dining area. Sapo niya ang dibdib na sobrang bilis ang pagtibok.

“Bwisit ka talaga, Rafael! Buti nga sa ’yo! Mabaog ka sana!” gigil niyang sabi.

Sa inis ay hindi niya na ito hinintay. Nauna na siyang maghapunan, at tapos na siyang kumain nang bumaba ito. Sinadya niyang bilisan ang pagkain para hindi na ito makasabay pa.

“Tapos ka na agad?” Umupo ito at kumuha na rin ng pagkain na parang walang nangyaring sipaan kanina sa silid nito. Mukhang naka-recover agad ito sa ginawa niya.

“Obvious ba?” balagbag niyang tugon na sinundan niya ng pamatay na irap.

“Wow, those eye rolls are really something! Kinikilabutan ako! Para kang sinasapian ng isang masamang espiritu. Tatawag na ba ako ng albularyo?” pang-aasar nitong lalo habang yakap ang sarili.

“Mabulunan ka sana! Labasan sana ng maraming kanin ang ilong mo!” sabi na lang niya dahil alam niyang hindi siya mananalo rito.

Niligpit na niya ang ginamit niyang pinggan at hinugasan na rin. Dumeretso siya sa living room kung nasaan ang sixty-five inches na T.V. Pinanood niya ang bagong update na episode ng korean drama series na inaabangan niya. Ngunit, hindi pa natatagalan ay nakaramdam na siya ng pamimigat ng talukap ng mga mata.

Napangiti si Rafael nang makita nito si Alessandra na mahimbing nang natutulog sa couch. Umupo ito sa harapan niya para mapagmasdan nang husto ang kaniyang mukha.

“Look at you . . . You look like a total angel when you’re asleep. But the second you wake up, you turn into this little devil I can never win against. Still cute though.” Nakangiting kinalabit nito ang tungki ng kaniyang ilong bago siya binuhat patungo sa kaniyang silid.

Marahan na inihiga siya ni Rafael sa malambot na kama, saka maayos na tinakpan ng kumot. Pagkakuwa’y marahang hinaplos ang kaniyang ulo. Wala siyang kamalay-malay na ang lalaking palaging nang-aasar sa kaniya ay ang tunay na siyang kakampi niya sa lahat.

“Goodnight, little monster.”

Akmang papaalis na si Rafael nang biglang hawakan ni Alessandra ang kamay nito. Napatingin ito sa kaniya ngunit nananatiling nakapikit ang mga mata ni Alessandra. Ang mga mata niyang iyon ay may bahid ng luha; bakas sa ekspresyon ang pagkatakot.

“Alessandra, what’s wrong?” tanong nito sa kaniya. Sinapo nito ang kaniyang noo para damahin ang kaniyang temperatura ngunit normal naman iyon.

“D-don’t leave me here . . . I-I’m scared . . . ” mahinang usal niya habang humihikbi.

Sa kaniyang panaginip, naroon siya sa isang silid, mag-isa. Lalong humigpit ang hawak niya sa kamay ni Rafael nang magpakita sa kaniyang panaginip si Lilian at Fredrinn, tila mga demonyong nakangisi. May mga hawak itong tig-isang kutsilyo, dilat ang mga matang nakatunghay sa kaniya.

“H-help . . . H-help . . . P-papatayin nila ako . . . ”

Marahang sumampa si Rafael sa kaniyang kama. Niyakap siya nito at marahang hinaplos ang kaniyang buhok.

“I’m here, Alessandra. I will protect you.”

Doon lamang siya kumalma at mahimbing na nakatulog.

Ang kaniyang bangungot ay napalitan ng isang magandang panaginip kung saan mayroon siyang kasamang isang modelo na mala-Adonis sa ganda ng katawan. Sinasayawan siya nito.

“Can I touch it? Those abs look like they need a good massage,” kagat-labi niyang sabi habang nakaturo sa six-packed abs nito.

“Sure, honey . . . ” Hinawakan nito ang kamay niya at dinala patungo sa bato-bato nitong sikmura.

Tumitili siya habang hinahaplos ang katikasan ng lalaki sa kaniyang panaginip. Ngunit natigilan siya nang ang mukha ng lalaki ay unti-unting napalitan ng mukha ng kaniyang stepbrother.

“Keep touching me, Alessandra. I like it,” mapang-akit na sabi ni Rafael sa kaniya. Pinalandas nito ang kaniyang dalawang palad mula sa leeg, sa malalaman na dibdib, at sa solido nitong mga pandesal. Napakagat siya ng labi, nag-e-enjoy sa pantasyang iyon. Not until she felt it as if it were real.

“Hmm . . . M-matigas . . . M-mainit?” Patuloy niyang kinapa-kapa. Parang hindi panaginip lang!

She opened her eyes at ganoon na lang ang panlalaki ng kaniyang mga mata kasunod ang pagbagsak ng kaniyang panga nang mapagtantong ang sikmura pala ng stepbrother niya ang hinihimas-himas kanina pa.

“Stop it. You’re playing a dangerous game with that touch, and you have no idea what you’re igniting,” banta nito, sabay lingon sa kaniya. Matalim ang mga mata, tila nais manlamon nang buo.

Naramdaman niyang may tumibok na matigas sa kaniyang bandang hita na nakasanday sa puson nito. Umbok na umbok iyon nang tingnan niya.

Malakas siyang tumili, ang boses niya ang pumuno sa buong silid na iyon.

“Pervert! Why are you hugging me?” Malakas niyang tinadyakan ang lalaki dahilan para mahulog at tumilapon sa sahig. Tumama ang puwet nito kaya napadaing ito sa sakit. Hawak nito ang balakang nang tumayo.

“Seriously? Me? Pervert? You’re the one manhandling my poor, defenseless abs while I’m sleeping! I’m the victim here!” giit nito.

Nahihiyang napatungo na lang siya at napasabunot sa sarili. Kung puwede lang manapak ng sarili ay ginawa na niya.

Binigyan siya ng pagkakataon para itama ang kaniyang mga pagkakamali, ngunit bakit sa tuwing nakakasama niya ang stepbrother ay puro kapalpakan niya sa buhay ang lahat ng nangyayari.

Napaatras siya nang biglang sumampa sa kama si Rafi. Itinuon nito ang dalawang kamay sa magkabila niyang gilid. Halos magdikit na ang kanilang mga mukha dahil sobrang lapit nito.

“W-what are you planning to do now? I-I am warning you, Rafael! I’m gonna kick your eggs again!” banta niya ngunit ngumisi lang ito, lalong inilapit ang mukha.

“So, stepsister . . . What kind of fantasies are you having about me? Is it . . . dirty?”

Umakyat ang dugo niya sa mukha. Akmang tutuhudin niya ito ngunit mabilis nitong nahawakan ang kaniyang hita. Sumeryoso ang mukha habang titig na titig sa kaniya.

“Too slow, stepsister . . . ” Tumingin ito sa kaniyang labi kasunod ang pagtaas-baba ng adams apple nito, na para bang isang nakatatakam na pagkain ang tinitingnan.

Nasa ganoon silang posisyon nang biglang bumukas ang pinto ng silid. Iniluwa noon ang kaniyang nobyo na si Fredrinn. Katulad niya, nanlaki ang mga mata nito dahil sa hindi inaasang tagpo. Kabaliktaran naman sa reaksyon ni Rafael na tila masaya pa sa nakita ni Fredrinn. Hinaplos nito ang kaniyang hita pataas habang nakatingin at nakangisi kay Fredrinn.

“A-ano’ng ginagawa ninyong dalawa?” nalilito nitong tanong habang palipat-lipat ang tingin sa kanila.

“What do you think, Cortez? We are having fun,” mapang-asar na tugon ni Rafael.

Galit na sinugod ng lalaki ang kaniyang stepbrother.

“Damn you, Villareal! I will kill you!”

Dinambahan ni Fredrinn si Rafael. Nagbuno ang mga ito hanggang sa nagpagulong-gulong ang dalawa sa sahig.