Revenge Marriage with My Ex's Billionaire Brother

MATAGAL nang boyfriend ni Wreyella Valeros si Alistair pero hindi niya alam na may lihim palang relasyon ang lalaki sa kapatid niya sa ama na si Ciara, at nabuntis pa ito. Pinilit siya ng kanyang mga magulang gamit ang magkahalong pakiusap at pananakot. Gusto ng mga itong sumuko na lang siya, ang tanggapin na lang nang buo ang relasyon ng dalawa na parang wala siyang karapatang masaktan. Umabot pa sa punto na gumawa ang sarili niyang pamilya ng maruming kwento. Pinagbintangan nila si Wreyella na nakaparalisa ng pasyente sa pamamagitan ng acupuncture para lang iligtas at protektahan si Ciara kaya nasuspinde siya sa trabaho. Dahil sa pambihirang galing niya sa acupuncture, lumapit si Raegan Santander kay Wreyella. Ang sikat at makapangyarihang chairman ng R&R Co. mula sa kabilang lungsod ay personal siyang binisita para lang maipagamot ang sakit sa binti ng lolo nito. Sa mismong gabi ng engagement party nina Alistair at Ciara, bumagsak ang mundo ni Wreyella sa isang hindi inaasahang katotohanan. Nalaman niya na ang kalmado at seryosong chairman na madalas sumulpot para tulungan at protektahan siya ay ang nakatatandang kapatid pala ng ex-boyfriend niyang nagtaksil sa kanya. Sinubukan niyang lumayo, pero hindi niya matakasan ang mga diskarte ng lalaki para mapalapit sa kanya. "Kahit magsama tayo, pamilya pa rin natin sina Alistair at Ciara," sabi ni Wreyella. Hinila siya ni Raegan nang mas malapit para yakapin nang mahigpit, habang marahang hinahaplos ng mga daliri nito ang kanyang buhok upang pakalmahin siya. "Kung ganoon, hayaan mong ako ang maging pamilya mo, Wreyella," sabi nito sa malalim at seryosong boses.