KABANATA 46 “SHADOWS 9”

KAAGAD na napasinghap si Mia dahil sa simple ngunit pangahas na naging pagkilos ng kanyang katipan. Kahit pa kasi sabihing umabot na silang dalawa ni Erik sa estadong tanging mag-asawa lamang dapat ang gumagawa. Hindi pa rin maiaalis kay Mia ang labis na maapektuhan sa simpleng gesture na iyon. Dahil gaano man iyon kasimple, si Erik pa rin ang gumawa.

Sandali munang nahinto si Mia sa ginagawa niyang pagsalubong sa mga paghampas ni Erik dahil sa nangyaring iyon.

Binalot ng pagtataka ang mukha ni Mia nang makalipas ang ilang sandali ay huminto si Erik sa ginagawa nito. Pagkatapos niyon ay tumayo ito saka siya hinila. Noon siya napasunod sa binata.

“A-Anong gagawin mo?” ang kinakabahan niyang tanong nang igiya siya ni Erik sa may Malaki at capiz na bintana.

“Shhh…” ang sa halip ay itinugon nito saka siya hinalikan sa mga labi.

Agad naman na nadarang si Mia sa kapusukan ng halik na iyon. Malakas pa rin ang buhos ng ulan at kahit hindi niya aminin ay hinaplos ng kakaibang init ang kanyang