Kabanata 25

Halos hindi nakatulog si Tajana sa buong magdamag. Ngayon ay kasalukuyan siyang nakatingin sa salamin. Pinagmamasdan niya ang kanyang sarili habang inaalala ang lahat ng nangyari. Ngayon ay wala ng natira sa kanya.

Wala ng nagmamahal sa'kin. Iniwan na nila kong lahat.

Tuloy ang paghikbi ng dalaga habang bumabalik sa isipan niya ang mga masasakit na narinig niya sa kanyang pamilya pati na rin kay Calvin.

Iniisip ko kung anong mali sa'kin. Bakit ako iniiwan palagi? Ang mga magulang ko. Hindi nila ko hinanap pa. Wala silang pakialam sa'kin. Pero ako ito at umaasa na makita sila. Napapagod na ko sa buhay ko. Bakit kailangan 'tong mangyari? Pati si Calvin ay wala na sa'kin. Hindi ko na alam ang gagawin ko...

"Saan ka pupunta?" tanong ni Simon ng makita ang papaalis na si Calvin. Tumigil ang binata sa paglalakad pero hindi ito humarap sa kanyang ama.

"May lalakarin lang po."

"Pupuntahan mo ba si Tajana?"

Hindi nakaimik si Calvin sa tanong ng kanyang ama.

"Ano bang tumatakbo sa isip m