CHAPTER 14: Melodyʼs Fear

“Ano ba kasing nangyari, Apollo? Grabe, kahit ako man hindi mag-umagahan, at tanghalihan talagang mahihilo ako sa gutom!” walang prenong sambit ni Epi.

“I didnʼt know na hindi pa siya kumakain, okay? Donʼt scold and shout at me. Alam ko naman ang mali ko, pero may mali rin siya dahil hindi ko naman sinabing hindi siya kumain! How would I know kung gutom na pala siya? Damn it!”

Hindi niya alam ang gagawin kanina kaya diniretso niyang dalhin si Melody sa hospital. Nang sabihin ng Doctor na dahil ito sa stress at marahil ay hindi pa kumakain, naaalala niyang bigla ang paghingi nito ng sandwhich sa mansion ni Mr. Buendia.

Masyado siyang naging abala sa trabaho kanina. Ang daming files na kailangan ayusin, may mga halaga ng perang nailabas ang kailangan niyang siguraduhing tumugma sa bawat project ng kompanya ni Mr. Aberin. Ayaw niya ng aberya.

Ang gusto niya ay pulido ang trabaho, dahil ayaw niyang dumating sa puntong sa kaniya isisisi ang lahat kung sakaling noon pa man ay may nangyayari