Earl's Point of View

Ilang taon na ang nakalipas ngunit sinisisi pa rin ni Earl ang sarili sa nangyari kay Roief. Alam niyang siya ang dahilan kung paanong umabot sa ganung sitwasyon si Roief o kung tawagin ngayon ay si Levy. Marahil kung nalaman niyang mas maaga na may gusto pala sa kanya ang babae noon ay baka hindi na niya binalikan pa si Pia. 

Ang alam niya kasi noon ay tibo ito dahil sa kilos at pananamit nito. Maski na ang paraan nitong makitungo pati na rin ang mga hilig nitong gawin. Hindi niya magawang pormahan ang babae noon dahil palagi nitong ipinaparamdam na kapatid ang turing sa kanya ng babae kaya nauwi tuloy sa pagkakaibigan ang naging relasyon niya rito. 

Hindi lang takot at matinding pagsisisi ang naramdaman niya noong panahong hindi niya mahanap ang babae. Nagdusa rin siya sa pag-aakalang namatay o inanod ang bangkay nito sa