Chapter 3

Dahil sa kaguluhan ay mabilis na natapos kaagad ang hapunan. Sinamahan ni Amarah si Sophia pababa ng seafood house, na may kasamang pagrereklamo sa sarili. "Sorry talaga, Phia. Kasalanan ko ang lahat. Kung hindi ko lang sana pinakilala sayo ang lalaking yon noon, hindi mo sana nararanasan ang lahat ng ito."

Para kay Amarah, mabait at maalaga si Sophia sa lahat. Nararapat talaga itong mahalin at hindi lokohin. Pero kalmado lang si Sophia, walang bakas ng lungkot sa kanyang mukha. Mas kalmado pa siya kaysa sa galit na galit na kaibigan.

"Walang kang kasalanan, Amarah." nakangiting sabi ni Sophia. "Ako ang nagkamali sa pagkilala sa kanya. Hindi ko lang talaga napansin ang pagkakaiba ng mabuting tao sa manloloko."

"Isang malaking blessing ang pakikipaghiwalay mo sa walang pusong lalaki na katulad niya!" sabi ni Amarah sabay kapit sa braso ng kaibigan. "Maganda, may talento at mahusay na doktor ang kaibigan ko. Nararapat ka sa mas mabuting lalaki—yong talagang magpahalaga sa iyo."

Natawa ng mahina si Sophia sa galit niyang kaibigan at tinapik ang kamay nito. "O sige na, huwag ka nang magalit. Okay na ako ngayon. At congrats nga pala sa grand opening ng beauty salon mo."

Kamakailan lang ay nagbukas ang bagong salon ni Amarah—ito ang magandang balita na gusto nitong i-share. "Thank you!" ngiti ni Amarah. "Simula ngayon, tuwing gusto mong magpa-facial, punta ka sa salon ko okay? Mag-ingat ka sa pag-uwi, huwag kalimutan na mag-text kapag nakarating ka na para alam kong ligtas ka."

Tumango naman agad si Sophia at agad na sumakay ng taxi at umalis.

Nang mawala na ang taxi, nawala rin ang ngiti ni Amarah. Napalitan agad ito ng matinding galit habang pabalik sa loob. Sakto namang tapos nang magbayad ng bill ang asawa niyang si Xian at lumapit sa kanya.

"Honey..."

Mabilis naman itong pinutol ni Amarah. "Sabihin mo sa akin ang totoo, alam mo ba na may relasyon sina Cyrus at Olivia?"

Itinaas ni Xian ang dalawang kamay. "Hindi biro ang paratang na yan, honey! Kung alam ko lang na naghiwalay na sila ni Sophia at palihim na sumama sa iba, hindi ko siya iimbitahan ngayong gabi kahit may nakatutok pang kutsilyo sa leeg ko!"

"Iniwan ni Sophia ang lalaking iyon," pagtatama ni Amarah. "At mula ngayon, lumayo ka sa mga taong walang matinong ugali at basura. Nakakasuka silang tingnan."

"Yes, kung ano ang sasabihin ng misis ko, yun ang masusunod," sunod-sunod na sagot ni Xian habang naglalakad sila palayo.

Sa likod ng isang malaking halaman malapit doon, may kausap na mayamang negosyante si Lennox.

"Chairman Silvestre, kararating mo lang dito sa Cebu baka hindi mo pa alam. Bukod sa magandang tirahan, sikat din ang Cebu sa mga magagandang babae," sabi ng lalaki habang s********p sa iniinom.

Ngumiti nang bahagya si Lennox at tumingin sa malaking tiyan ng lalaki. "Sa hitsura at laki ng katawan mo, Director Manuel, halatang maganda nga ang buhay dito sa Cebu.”

"Hahaha! Chairman, marunong ka talagang magbiro! Tara na sa itaas?" tawa ng lalaki.

Ang lalaking ito ay si Director Manuel, ang pinuno ng Municipal Commerce Bureau. Kahit sanay siyang sipsipan ng iba, napakababa ng loob niya sa harap ni Lennox. Maimpluwensya kasi ang pamilya ni Lennox sa Manila, at pumunta lang siya sa Cebu para mamuno sa AS Company upang kumuha ng karanasan bago bumalik sa mas mataas na posisyon.

Habang papunta sa elevator, nagmadali si Director Manuel na hawakan ang p***o para maunang papasok si Lennox. Ngunit bago pa sumara ang p***o ay may humabol.

Si Sophia.

Mabilis na natigilan si Sophia nang makita ang matangkad at naka business suit na lalaki sa loob. At ito nga, kaninang umaga sa acupuncture, gilid lang ng mukha nito ang nakita niya pero ngayon ay kilalang-kilala niya ito.

"Are you getting in?" malamig na tanong ni Lennox.

Nagulat naman agad si Sophia. "Oh... yes." Mabilis siyang pumasok at pinindot ang 4th floor.

Katabi ni Lennox ang panel ng mga button, habang inaabot si Sophia ang mga ito, naamoy niya ang mabangong pabango ng lalaki—malinis at may natural na bango. Kinabahan siya nang hindi niya alam kung bakit dahil ramdam na ramdam niya ang lakas ng dating ng lalaki sa masikip na elevator.

Mabuti na lang, mabilis silang nakarating sa 4th floor. Huminga nang malalim si Sophia bago lumabas, kaya siya bumalik dahil nawawala ang mga susi niya sa apartment at sa opisina niya sa ospital. Malaking problema kapag nawala iyon, hinanap niya ito sa silid na kinainan nila pero wala roon, kaya bumaba siya para magtanong sa waiter.

Samantala, nakarating na sina Lennox sa 6th floor. Maraming negosyante ang naghihintay sa loob ng kwarto, umupo si Lennox sa gitna at tumabi naman sa kaliwa niya si Director Manuel.

Pagkaupo ni Lennox, tumayo ang babaeng nasa kanan niya at ngumiti para ipagbuhos siya ng tsaa. Masyadong matapang ang pabango ng babae. "Ako na, salamat." Sabi ni Lennox habang pinipigilan ang babae gamit ang kanyang kamay.

Nakaramdam naman ng pagkahiya ang babae at umupo na lang, pinakilala siya agad ni Director Manuel. "Chairman, ito nga pala ang pamangkin ko, si Chloe. Nagtatrabaho siya sa admin office ng Cebu Central medical Center.”

Nang marinig na binanggit ang pangalan ng ospital, naalala bigla ni Lennox si Sophia. Dalawang beses niya itong nakita ngayong araw, at kahit simply lang ang suot nito ngunit ay may angking ganda na hindi mo pwedeng balewalain.

Mayamaya pa ay pumasok na ang waiter na may dalang alak.

"Chloe, Salinan mo ng maiinom si Chairman," utos ni Director Manuel.

Tatayo na sana si Chloe para kunin ang bote ngunit kaagad na nagsalita si Lennox. "Huwag na, Miss Chloe. Ang waiter na ang bahala riyan."

Mabilis na namula sa hiya si Chloe dahil dalawang beses na siyang tinanggihan sa harap ng maraming tao. Biglang may kumatok at bumukas ang p***o, at si Sophia ang nasa labas.

Tumingin siya sa waiter na katabi ni Lennox. "Excuse me," polite na sabi ni Sophia. "May nakita ba kayong mga susi sa Green Mist Hall sa 4th floor?"

"Yes ma'am," sagot ng waiter. "Ibinigay na po iyon sa reception desk sa 4th floor."

"Salamat," sabi ni Sophia at akma nang isasara ang p***o ng biglang—

"Dr. Sophia," biglang tawag ni Chloe. Hindi kilala ni Chloe ang lahat ng doktor sa loob ng ospital, pero kilala niya si Sophia dahil hindi sila magkasundo, at kaibigan din niya si Olivia na kapatid nito. Kaya naman, palagi niyang binabantayan ang bawat galaw ni Sophia.