Chapter 18 Kiss

MARCUS:

NAKAHALUKIPKIP AKONG NAKADEKWATRO habang hinihintay ang date namin ni Bryan bakas ang excitement at saya dito habang ako? Heto inaantok.

Paano ba naman kasi, nakakainis talaga ang chubs na 'yon. Wala manlang kunsidirasyon. Itatanong ko lang naman kung okay lang bang makipag-date ako sa sinasabi ni Bryan pero wala naman akong planong makipagrelasyon pero,

pinangunahan agad ako.

"Sorry, are we late?" ani ng malambing na boses sa harapan namin.

Nanatili akong sa ibang gawi nakamata. Wala naman akong interes sa date na ito. Mas gusto ko pang nakabuntot ako kay chubs e. Buhay na buhay ang dugo at diwa ko kapag siya ang nasa tabi ko.

"Ahm, hindi. Kararating nga lang din namin. Hindi ba, dude?" sagot ni Bryan na bahagya akong siniko.

Tumango lang ako pero panay na ang siko nito.

"Bakit--"

Natigilan ako na mapansing tatlo ang babaeng nakatayo sa harapan namin. Napapalunok ako dahil sa nakikitang PE uniform ng isang nasa gitna ng dalawang dalagang napaka-sexy ng suot at pangangata