Kabanata 3

Masakit pa rin ang puson niya kaya’t huminto na muna siya sa isang malapit na pharmacy para bumili ng pain reliever, at nang nasa botika na siya imbis na gamot lang bibilhin niya ay napabili na rin siya ng pregnancy test, gumagamit naman siya ng pills pero may panahon kasi na nakaliligtaan niya kaya maigi ng makasiguro. Sa kabilang banda ay nag-aalala rin siya kung sakali dahil kapag sakaling buntis siya ay hindi rin niya ito mabibigyan ng buong pamilya dahil tiyak niyang kapag nakalaya na ang mama niya, magpa-file na petition for annulment si Eduardo gaya ng nasa kontrata nila at nalulungkot siya para rito.

Alam niyang wala siyang karapatang makaramdam ng lungkot dahil simula pa lang ay alam niyang darating ang pagkakataon na ‘yon, na iiwan din siya ng lalaking sa unang beses pa lang nang makita niya ito ay minahal na siya, pero wala na siyang magagawa kung sakali man at pabor na rin ‘yon para sa kaiya dahil hindi na rin niya dadalhin pa ang bigat na nararamdaman niya araw-araw dahil sa lihim na pagmamahal na mayroon siya. Habang papunta sa studio ay nag scroll na muna sa kaniyang social apps si Sofia hanggang dumaan sa feeds niya ang isang article ng isang sikat na babaeng modelo kasama ang isang lalaki, her rumoured boyfriend.

“So at this sunset, our story starts a new chapter.” In her caption, at 5:30a.m.

Kahit nakatalikod ang lalaki habang nakayakap sa nasabing modelo, agad na nakilala niya ito, sa pigura at sa black jacket na suot nito, alam niyang si Eduardo ‘yon dahil siya ang nagbigay ng jacket na ‘yon as a gift sa last birthday niya, nakilala niya ito dahil sa initials na personal niyang pinalagay sa naturang jacket, ang E.S (Eduardo Sofia).

“Kaya pala nagmamadali siya kanina, kasi may pupuntahan at kikitain siya,” may lungkot sa sabi niya sa kaniyang sarili. Ilang sandali pa tumunog ang cellphone niya, isang chat galing kay Eduardo.

“Sofia, puwede mo ba’ng puntahan si Kale sa mansion nila mommy, hinahanap ka kasi eh.”

“Sige, papunta sana ako ng studio ko, kunin at iuuwi ko na lang siya or isama sa studio,” reply niya kay Eduardo.

“Sige, ingat ka.”

Dumiretso si Sofia sa kabilang mansion, at nang makarating ay pumarada siya saglit sa pansamantalang paradahan. Pagbaba niya ng kotse ay kumirot ulit ang puson niya, bahagya siyang napatigil at ng mawala na ang sakit ay dumeretso na siya sa loob ng mansion, ramdam niyang hindi siya welcome sa mansion na ‘yon pero dahil asawa siya si ni Eduardo ay pinakikisamahan pa rin siya ng mga tao roon. Pagkapasok pa lang niya mismo sa loob ay nakita agad siya ng ni Kale, nagniningning ang mga mata nito at lumiwanag ang mukha ng makita siya.

“Mama! Mama ko!” sigaw nito sabay takbo palapit kay Sofia, at ng makalapit  na ito ay lumundag ito at kumapit. Bahagyang napaatras si Sofia, niyakap ang anak at hinalikan ang noo nito.

“Ma, sabi ni lola, ayaw mo na raw akong makita at makasama kaya dinala ako ni Dada rito, totoo po ba ‘yon?” malungkot na sabi ng bata.

Nagulat si Sofia sa tanong ng anak, dahil pinasama lang naman niya ang anak para makasama ang pamilya ng Dada niya na mag celebrate ng new year.

“H-Ha? Hindi anak, wala akong sinasabing gano’n.”

Biglang lumapit ang ina ni Eduardo at hinila si Kale.

“‘Wag kang lalapit sa babaeng ‘yan Kale, hindi naman ‘yan ang totoong mama mo,” sabi nito habang tila nang-aasar na tumingin kay Sofia.

“Anong, sinasabi niyo ma, ‘wag niyo pong sasabihin ang mga ganiyang bagay kay Kale,” sagot ni Sofia. Ilang sandali pa ay lumabas ang isang pamilyar na babae, ang sikat na modelong nakita niya sa article sa isang social media post na kasama si Eduardo.

“Mama, bakit po sinasabi ni lola sa’kin ang gano’n? Sabi po niya, maghihiwalay na raw po kayo? Paano na po ako? Ayoko po na maghiwalay kayo, ayoko po rito kina lola, gusto ko kasama ko lang kayo ni Dada!” umiiyak na turan ni Kale habang yapos ang ina na kinikilala niya, hindi kayang sabihin ni Sofia sa bata na ampon lang ito kaya’t di niya masagot ng deretso ang ina ni Eduardo dahil maririnig ‘yon ni Kale.

“ Kale apo, halika na rito ‘wag na matigas ang ulo! ‘Wag mong tawagin pang mama ang babae na ‘yan dahil hindi ‘yan ang totoong mama mo!” ani Luciana, ina ni Eduardo.

“Hindi totoo ‘yan! Sinungaling ka lola! Sinungaling po kayo! Bad po nagsisinungaling sabi ni Mama…Mama, ‘di po totoo ang sinasabi ni Lola ‘di po ba,” umiiyak na turan ng bata kay Sofia.

“Hindi nagsisinungaling ang lola mo Kale, totoo ang sinasabi niya, dahil ako ang mommy mo anak, hindi ang babaeng ‘yan!”