Chapter 11

Florence's Pov

"Nakita mo na ang nangyari, Feelin? Dahil sa katigasan ng ulo mo ay muntik ka nang mapahamak! Paano kung hindi ako tinawagan ng aking tauhan para ipaalam sa akin na kausap mo si Gilbert? Di natangay ka na niya kanina?" mataas ang boses na sermon sa akin ni Joaquin pagkaupo ko sa sofa.

Pagkapasok namin sa loob ng bahay ay agad akong itinulak ni Joaquin paupo sa sofa. Hindi maipinta ang mukha nito sa galit. Ngunit hindi ako nakaramdam ng takot sa kanya kahit na mukhang gusto na niya akong sakalin. Sa halip na takot ay inis ang nararamdaman ko sa kanya. Imbis kasi na mag-alala siya sa akin dahil muntik na akong makidnap ni Mr. Salazar ay pinapagalitan pa niya ako. Ngayon ko lamang nasiguro na magkaaway nga ang dalawa. Baka hindi lang magkaaway kundi mortal na magkaaway. Pero ano nga ba ang pinag-aawayan nilang dalawa? Negosyo? Anong klaseng negosyo ba mayroon silang dalawa at tila magpapatayan sila kapag may pagkakataon?

"Salamat sa pagliligtas mo sa akin pero hindi mo n