Chapter 10

Florence's Pov

"Ikaw pala iyan, Mr. Salazar. Nag-shopping ka rin ba katulad ko?" nakangiting tanong ko sa lalaki ngunit pilit lamang ang ngiting ibinigay ko sa kanya.

"Shopping?" nakataas ang kilay na sagot niya sa akin pagkatapos ay lalong ngumisi. Hindi ko maintindihan ngunit tila nakakatakot ang kanyang ngiti. "Ah, shopping. You're right. Nag-shopping nga ako katulad ng ginawa mo. Wala ka bang kasamang mag-shopping? I mean, hindi mo ba kasama ang asawa mo?"

Pinaandar ko ang aking isip. Ang sabi ni Joaquin ay delikadong tao si Gilbert Salazar kaya baka kung ano ang gawin niya sa akin kapag nalaman niyang hindi ko kasama si Joaquin at mag-isa lamang akong nagpunta rito.

"Hindi. Kasama ko si Joaquin. Sinamahan niya akong mag-shopping. Nasa loob pa siya at may kinakausap lamang kaya nauna na akong lumabas sa kanya," kinakabahang sagot ko sa kanya. Hindi naman siguro niya ako gagawan ng masama sa harapan ng mga nagdaraang tao. Marami kasing tao ang pumapasok at lumalabas sa mall nang mg