Chapter 8

Florence's POV

Wala akong kibo habang lulan kami ng kotse ni Joaquin pabalik sa bahay niya. Wala na si Gilbert pagbalik ko kanina kasama si Manng Aida. Kahit gusto kong magtanong kay Joaquin kung sino ang lalaking iyon o kung kaaway ba niya ito ngunit hindi na lamang ako nagsalita. Masama kasi ang loob ko dahil sa mga sinabi niya kanina kay Gilbert tungkol sa akin. Alam kong wala siyang pakialam sa akin at wala siyang pagtingin sa akin pero sana ay binigyan man lang niya ako ng kahihiyan. Hindi na sana niya sinabi iyon kanina sa harapan ni Gilbert.

"Kapag nakasalubong mo ang lalaking nakausap ko kanina ay iwasan mo na siya kaagad, Feelin," basag ni Joaquin sa katahimikang namamayani sa loob ng kotse.

"Ano ang gusto mo? Maging bastos ako sa harapan niya katulad ng ginawa mo kanina? At saka, wala kang pakialam kung sino man ang kakausapin ko katulad nang wala rin akong pakialam sa sinumang kakausapin mo," masungit kong sagot sa kanya. Muntik na akong mapasubsob sa dashboard ng kotse da