KANINA PA KUNOT ANG NOO at salubong ang mga kilay ni Alvaro habang nilalaro sa kanyang mga daliri ang hawak niyang ballpen. Tila tukso kasing pumapasok sa kanyang isipan si Riko. Hindi rin mawala sa kanyang alaala ang naging huling pag-uusap nila ng babae. Ang galit nitong anyo. Ang tila nahihirapang kislap ng mga mata. Ang nanginginig na tinig na punong-puno ng frustration at takot. ‘Mahal kita, Alvaro…’Tila iyon sirang plaka na paulit-ulit na umi-echo sa isipan ni Alvaro. Kumuyom ang mga kamay niya habang patuloy niyang naririnig sa isipan ang boses ni Riko. And the sound of defeat in her voice, no…that’s not her. Bago iyon sa kanya. Ilang araw na ba silang hindi nag-uusap simula nang gabing iyon? Isa, dalawa, tatlo hanggang sa maging isang linggo? No, not just a week. Mahigit isang linggo na silang hindi nag-uusap ni Riko. At oo, inaamin niyang namimiss na niya ang babae. Ang pagiging pikon nito kapag kinukulit niya. Ang kadaldalan. Ang boses nitong hindi alam ni Alvaro nguni
PATAMAD NA BUMANGON si Riko mula sa kanyang kama. Aburidong kinapa niya ang kanyang cellphone na kanina pa nag-iingay dahil sa alarm. Biyernes na naman at tiyak na marami uling tao sa Velvet Lounge. Alas sais na at kailangan na niyang kumilos. Kailangang nasa club na siya bago pumatak ang alas otso ng gabi.Bumaba na ng higaan si Riko at naglakad palabas ng kanyang silid. Pagkarating sa ibaba ay kaagad niyang hinanap ang anak na si Loreen. Nakita niya ito sa kusina at tumutulong kay Manang Linda sa pagtanggal ng mga dahon ng kangkong.“Hi, my love,” bati ni Riko sa anak habang nakaunat ang magkabilang kamay. “where’s my hug?” untag niya kay Loreen.Kaagad namang binitawan ni Loreen ang hawak nitong kangkong at patakbong lumapit sa ina.“Careful…” turan ni Riko sa anak ngunit kaagad ding natigilan. ‘Careful…’Napangiwi si Riko nang marinig niya sa kanyang isipan ang tinig ni Alvaro. At mas lalo pa siyang napangiwi nang tila tuksong pumasok sa kanyang isipan ang nangyari pagkatapos
KANINA PA pasulyap-sulyap si Riko sa bahaging kinaroroonan ni Alvaro. Maya’t-maya rin siyang napapatingin sa ilang bote ng beer na nasa ibabaw ng bilog na mesang nasa harapan nito. Ang alam niya'y hindi naman mahilig uminom ang lalaki. Ano ang ginagawa ng lalaki sa Velvet Lounge? Nagtataka siya lalo na’t hindi nito kasama si Reign. Ito ang ikalawang beses na pumunta si Alvaro sa Velvet Lounge na mag-isa. Ang una ay noong makita niya ito ng madaling-araw sa parking lot.'Baka gusto kang makita.' tukso ng isang parte ng isip niya. Wala sa loob na napa-irap si Riko. Siya ang sadya? Malabo yata ‘yon. Para nga’ng hindi siya nag-e-exist sa paningin ng lalaki. Kanina pa ito roon pero ni hindi man lang siya nito tinapunan ng tingin. Isang ismid ang pinakawalan ni Riko kasabay ng pagkalukot ng kanyang ilong.'Hmp, eh, ano naman kung ayaw siya nitong pansinin? Eh, di wag!'Muling itinuon ni Riko ang kanyang atensiyon sa kaharap na turntable. Dinampot din niya ang basong nasa tabi at inisang
“US?” “Yes, us…” sagot ni Alvaro kay Riko.Umangat ang kilay ni Riko. “Us–as in, you and me?” paniniguro niya habang tila napapantastikuhang nakatitig sa lalaki. Wala sa loob na napahilamos sa kanyang mukha si Alvaro. Hindi niya alam kung pinaglalaruan ba siya si Riko o seryoso ito sa sinabi nito na mahal siya nito.“Oo. You and me,” ulit niya sa sinabi ni Riko na itinuro pa ang babae at ang sarili. “Us…” may himig ng inis sa tinig na aniya sa babaeng tila manghang-mangha na nakatitig sa kanya. What is she even thinking? Ah, minsan talaga ay hindi niya mahulaan kung ano ang laman ng isip ni Riko.“There’s no us, Alvaro.” malamig ang boses na sabi ni Riko.Napatanga si Alvaro dahil sa kanyang narinig. What did she just say? She’s joking, right?“What do you mean?” Umikot ang mga mata ni Riko. “I gotta go, Roh. Inaantok na ako.” walang bakas ng kahit na anong emosyon sa tinig na aniya sa lalaki.Ngunit salungat sa ipinapakita niya kay Alvaro ay kanina pa gustong yakapin ni Riko ang
KANINA pa lukot ang mga kilay ni Alvaro habang hawak sa isang kamay ang kanyang cellphone. Tatlong araw na rin ang nakakalipas nang huli silang magkita ni Riko at simula nga noon ay wala siyang natanggap kahit na simpleng hello o hi mula sa babae.Umigting ang mga panga ni Alvaro. Napakahirap talagang ispelengin ang babaeng ‘yon. Hindi niya alam kung ano ba talaga ang nais sa buhay. Tangina, no label daw? P’wede pala ‘yon? Siya na nga itong nagbukas ng usapan tungkol sa kanilang dalawa. Hoy, siya si Alvaro DiMarco, may-ari ng pinakamalaking rancho sa buong Pilipinas at malaking hotel chains, hindi lang dito kundi maging sa ibang bansa.“Ano’ng problema mo?” Napatingin si Alvaro kay Tanya. Kaibigan ni Reign ang babae at isang taon din niyang niligawan hanggang sa tuluyan siyang huminto. Napag-isip-isip niya kasing parang wala namang patutunguhan ang pangungulit niya sa babae lalo na’t nagkaroon ito ng boyfriend. Habang nakatingin siya kay Tanya ay bigla niyang naalala si Riko. Oppos
HUWEBES NG HAPON, abala si Riko sa pag-aayos ng gagamitin niya para sa gagawin niyang fruit cake. Tumawag sa kanya si Crista, isa pa niyang kaibigan bukod kay Reeze. Darating daw ito sa susunod na araw at kabilin-bilinan ng babae na kailangan daw ay may madatnan itong fruit cake sa bahay niya.Napatigil sa ginagawa si Riko nang makarinig siya ng tatlong sunod-sunod na doorbell. Nangunot ang noo niya at kaagad na nalukot ang ilong. Hindi niya alam kung ano ang trip ng kung sino mang nasa labas. Maririnig naman niya kahit isang pindot lang sa doorbell ang gawin nito. Ibinaba niya ang hawak na pang-sukat sa harina. Ipinunas din niya ang magkabilang kamay sa suot na apron at walang pakialam sa itsura na naglakad patungo sa front door.Ilang hakbang na lang ang layo niya mula sa pinto nang muling tumunog ang doorbell. Tatlong sunod-sunod ulit kaya tuluyan nang nainis si Riko.“Sandali!” gigil na turan niya sa malakas na tinig habang pinipihit ang doorknob. “Wala bang doorbell sa inyo at—”
KANINA pa pinagmamasdan ni Tanya si Alvaro na abala naman sa pagbabasa ng hawak nitong dokomento. Kasalukuyan siyang nasa loob ng opisina nito na nasa pinakatuktok ng may limapo’t-limang palapag na Moonlight Hotel na pag-aari ng lalaking kanyang kaharap.Bahagyang naningkit ang mga mata ni Tanya na nanatiling nakatutok sa lalaking kanina lang ay tila walang pakialam sa paligid nito. Ni hindi nga siya nito gaanong kinikibo simula nang dumating siya sa opisina nito. Ngunit nang tumunog ang cellphone nitong nakapatong sa mesa ay kaagad iyong dinampot ni Alvaro.Samantala, sumilay naman ang matamis na ngiti sa mga labi ni Alvaro nang makitang galing kay Riko ang mensahe. Mabilis niya iyong binasa.[Hi, baby. I miss you and I love you.]Mas lalo pang lumawak ang ngiti sa mga labi ni Alvaro dahil sa kanyang nabasa.“You seem so happy, ha.” Bumakas ang pagkagulat sa mukha ni Alvaro nang marinig niya ang boses ni Tanya. “Tanya?” bakas ang pagtataka sa anyo na untag ni Alvaro habang nakatitig
BAGSAK ang magkabilang balikat na napatitig na lamang si Riko sa sasakyan niyang naka-park sa gilid ng kalsada. Mabuti na lamang at naitabi niya pa iyon bago tuluyang tumirik. Naroon siya isang bahagi ng Edsa. Pumunta siya sa bunsong kapatid ng Mama niya dahil mayroon silang pinag-usapan. And as usual, umalis na naman siya sa bahay nito na hindi sila nagkakaintindihan. Sabagay, ano pa ba ang bago roon? Ganoon naman palagi. Kailan ba siya naunawaan ng pamilya niya? Sanay na si Riko.Bumuga ng hangin si Riko at wala sa loob na napatingala sa makulimlim na kalangitan. Kapag nga naman minamalas, uulan pa yata nang malakas.[“Bakit kasi nagta-tiyaga ka riyan sa pagdi-DJ? Ano ba ang mapapala mo riyan? Kaya ka ba niyan buhayin at ang anak mo? Bakit hindi ka na lang umuwi sa atin at pamahalaan ang resort doon?!”]Tila iyon sirang plaka na muling umalingawngaw sa isipan ni Riko. No, ayaw niya. Gusto niyang tumayo sa sarili niyang mga paa. Kaya naman niya. Ayaw lang siyang bigyan ng pagkakata