KABANATA 58

Nagulat pa siya nang mabungaran si Sean sa dining area nang bumaba siya para mag-breakfast bago pumunta ng opisina.

May disgusto sa mukha nito nang tingnan ang suot niya. Hindi man sleeveless ang straight cut dress na pwede pang office ay hindi pa rin aabot ng tuhod ang haba no'n.

Tama nga si Sean, parang nagtitipid ng tela ang designer ng mga damit na pina-deliver nito para sa kanya.

Walang imik na umupo siya. Akala niya kasi ay hindi ito umuwi ng bahay kagabi. Magkasabay na umalis ng opisina sina Sean at Bianca kahapon. Ang dinig niya ay ipa-finalize na ang pagbili ng loteng bibilhin ng mga ito.

"Good morning," pormal ang boses ni Sean nang batiin siya bago ito uminom ng kape.

Napilitang bumati siya pabalik.

"Good morning."

Wala silang imikan pagkatapos no'n. Ilang na ilang ang pakiramdam niya kaya tinapos niya agad ang pagkain. Nang matapos siya ay agad na nagpaalam siya ritong mauna na dahil hindi niya naman alam kung didiretso ito ng opisina.

"Sabay na tayo," maagap na sabi nito