Tainted Hearts 48

"Susunod sila ni Mama."

Kinuha niya ang dala ko na gamit at naunang naglakad papasok sa eroplano. Binati kami ng mga kakilala namin bago kami nakaupo sa upuan na para sa amin.

Nilagnat kasi si Xion kaya hindi namin naisama ngayon. Si Mama na lang ang magdadala sa kanya sa susunod na linggo para sumunod sa amin doon. Ayoko nga sanang tumuloy na umalis dahil may sakit ang anak ko pero pinagtulakan ako ni Mama at sinabi na lagnat laki lang naman daw iyon.

Sinat na lang at hindi na siya masyadong mainit nang umalis kami ni Creed pero binawal ko siya na sumama dahil baka mabinat siya lalo't malamig sa eroplano. Kung magkaroon ng emergency, hindi namin maaaring palapagin ang eroplano para maisugod siya sa hospital. Mas mabuti nang nasa bahay siya hanggang sa gumaling.

"Don't worry too much," hinila niya ako't ipinatong sa dibdib niya ang ulo ko.

Nakatulog ako sa yakap ni Creed kahit sandali lang ang biyahe. Siya rin ang may bitbit sa mga gamit namin pagkababa.

"That's my sister," bulong niya