Chapter 5

Danie POV

“Okay, girls. Kembot pa! That’s right. To the left and right— oh, spacing!” sigaw ng taga-turo ng sayaw.

Nasa akin lagi ang mga mata niya. Naiinis na siya sa paulit-ulit kong mali. Halos alam na ng dalawang kasama ko, maging si Marga ang step.

Ginagawa ko naman ang kaya ko pero ang hirap ikimbot ang bewang ko. Parang nag-uunahan ang mga paa ko kung sino ang unang gagalaw.

“Stop!” sigaw niya. “Danie, ikaw nga lang mag-isa.” Pumalakpak siya. Ito ang ginagawa niya kung nagmamadali.

“A-ako ho? Ay, hindi ko ho kasi maiganire ang balakang ko. . .” reklamo ko. Inimustra ko sa kaniya ang step na hindi ko makuha.

“Kaya nga ikaw muna mag-isa. Atsaka, lahat ng step hindi mo talaga makuha.” Pumalatak siya’t umakyat ng stage.

Ang ganda niyang babae, kay puti at payat ng legs. Hindi nga lang matangkad pero cute naman sa height niya. Hindi siya nagta-trabaho dito sa bar. College student daw ito at nakatira sa kabilang kanto. Cheerleader daw siya kaya malambot ang katawan. Libre pang nag-aaral. Binabayaran siya ni Boss Z para mag-choreo sa mga performance gabi-gabi.

Kainam nga! Nang malaman ko iyon, ginusto kong maging siya. Nakakapagaral na siya, kumikita pa ng marahal sa pagtuturo ng sayaw sa mga babae dito. Kaso— wala akong pag-asa sa pagsayaw.

“Ganito, step mo muna paa mo sa right, then sunod ang ulo ng slight. ‘Yan! Tapos, right hand mo sa baba ng baba. Naka-lihis ka ng kaunti. Then slight slide. Dahan-dahan lang. Down sa balakang. Ikot mo ang kamay sa likod kasabay ng katawan mo. Ang isang kamay sa baywang. Like this right, hahagod pababa kasabay ng katawan. Dahan-dahan ninyan. Yes, that’s right. May pose pa rin, bago mo iliyad pabalik sa 1st step then make a big snap. Ikaw nga!” Gumilid siya para magbilang.

Habang mabagal niyang sinasabi at ginagawa, sinusunod ko siya. Iniisa-isa niya ang pagtuturo sa akin mula umpisa hanggang sa matapos. Nanunuod ang iba sa amin. Ang iba naman nag-break para kumain. Ang iba, naiinis sa tagal ng practice nila na dapat matapos bago mag-alas singko ng hapon.

“Mag-overtime na lang tayo. The rest, pwede kayo mag-practice sa ibang side. Tutukan ko lang si Danie.” Aniya. “Isa pa. Try na ‘tin with music. Don’t think Danie, just move your body.” Sumenyas siya para ipatugtog ang music. Nag-thumbs up si Marga sa akin bago sumabay sa tugtog.

Magaling siyang sumayaw. Mabilis niya lang nakuha ang mga step. Kaya ko ‘to! Kung gusto ko makaalis sa lugar na ito, kayanin ko. Dapat kayanin ko.

“Kaya mo naman sumayaw. Nago-overthink ka lang, iniisip mo na agad next step kaya ka nalilito. Isa pa, huwag kang mahiya sa mga nandito. Mas lalo na mamaya. May mask naman na isusuot so just move your body. Isipin mo nand’yan ang boyfriend mo, nakaupo there, nanunuod sa ‘yo habang nagse-sexy dance ka. Your seducing him and gonna make love after.” payo niya.

Napangiwi ako. “Hindi ko kasi alam paano mag-seduce. Wala rin ako boyfriend. Unang beses ako makakasayaw ng ganito.”

Matagal niya akong tinitigan. Sinukbit niya ang bag sa kanyang balikat. Galing siyang paaralan nila kanina at dito didiretso para magturo sa amin ng sayaw. Tatlong oras ang inaabot ng practice usually pero ngayon inabot kami ng apat at kalahating oras dahil sa akin.

Huminga siya ng malalim na parang naiinip. “Then dance freely. Move your body like no one watching you. Isipin mo, nasa harap ka ng salamin, you are sexy and the only woman around. Danie, marunong ka sumayaw. May moves ka. Practice lang sa mga susunod mong performance gagaling ka pa.” Ngumiti siya at tinapik ang balikat ko. Inabot ang baunan niya ng tubig at umalis na. Naiwan ako doon na nagpupunas ng pawis.

“Tara na? Mag-aayos pa tayo.”

Bumalik kami ni Marga sa kwarto namin. Dalawa lang kami ditong umaakupa. Ito ang pinakamaliit na kwarto sa lahat. 2 double desk ang nandito. Sa magkabilaan kami ni Marga. May maliit na banyo at isang Durabox na walang mga takip.

Laba-suot ang ginagawa namin ni Marga sa aming mga damit. May nagbigay sa amin ng mga pinaglumaan nila. Wala akong kahit isang gamit ditong maituturing na akin. Lahat binigay o pinahiram na pinakiusap pa ni Aling Bebang. Matapos maligo, hinintay ko siya para sabay kaming pumunta sa kusina para maghapunan.

“Ang galing mo naman sumayaw. Dancer ka rin?” tanong ko sa kanya habang naglalakad kami papunta sa kusina.

“Sa T*ktok Academy. Uso ‘yon dito. Halos lahat marunong sumayaw dahil sa app na ‘yon.” Tumango ako dahil hindi ko naman alam kung ano ‘yon. Familiar lang ang tunog sa akin.

Puno ang kusina ng mga nagmamadaling babae. Ang iba, may nakapaikot na twulya sa kanilang mga ulo. Ang iba, nakatapis lang. Hindi inalintana na may ilang lalaki kaming kasama. Mga bouncer sila at waiter na nagtatrabaho din sa gabi.

“Danie, Marga! Dito na kayo, may binili akong ulam.” Tawag sa amin ni Cindy. Naka-short ito ng maikli at bra. Baby bra ang tawag namin ni nanay dito. Ganito ang suot ko noong nagdadalaga pa lamang ako. Dito pala, usong-uso. Karamihan ito ang mga suot nila panlabas. Sport bra kung tawagin ng iba.

“May kanin pa ba kami?” mahinang tanong ni Marga. Nilingon ang kaldero.

“Girl, kung gusto mo makakain, dapat ikaw ang nagluluto. Sa kanin, by group dito. Maghanap ka ng makakasama niyo.” Irap sa amin ng isang babae. Nakataas ang isang paa nitong kumakain ng nakakamay. Mabibilis ang mga subo niya. Inilayo pa sa amin ang kaldero’t inirapan kami.

“Shss, dami hanash!” awat ni Cindy. Nang bumalik tingin niya sa amin, nginitian niya kami. Hinila si Marga para maupo sa sahig. “Hati na lang tayo dito. 3 cups naman sinaing ko para sa aming tatlo. Pagkasyahin na na ‘tin.”

Pinagmamasdan ko sila habang sumusubo ako. Pinaghatian namin ni Marga ang isang pirasong piniritong tilapia na mula kay Cindy. Lahat kumakain at busy sa pakikipagusap sa kanilang mga kasama. Nandito kami sa pinakasulok, nakaupo sa sahig at nakakamay na kumakain sa selopen.

Dahil wala naman kaming gamit na plato, ito ang ginamit namin. Lahat daw ng gamit dito may kanya-kanyang nagmamay-ari na.

“Simula ngayon, dito na kayo sa amin sasabay. Sa kanin, 5 cups sa ating lima. Bawat group kasi limang cups lang dapat.” Sabi ni Cindy bago sumubo sa kanyang pagkain.

“Mababawasan pa pagkain niyo.”

“Naku, hindi! Talagang ganyan. Ngayon lang kami nag-tatlo. Umalis na kasi dalawang kasama namin kaya kayo na papalit.”

“Nasaan na sila?”

Nakisawsaw ako sa bagoong na meron sa harap namin. Nilagyan niya ito ng isang kalamansi. Mas masarap sana kung may talbos ng kamote. Perfect combo na.

“Yung isa, nabuntis ng costumer niya. Bawal ‘yon dito kaya aalis muna siya hanggang sa makapanganak. Yung isa naman, lalagay na sa tahimik.” Napalingon kami sa iba nang magtawanan sila. Nagtataka kami ni Marga dahil sa pagtawa nilang iyon. “Kung makakatagal sa gutom.” Muli silang tumawa sa idinagdag niya.

“Papanagutan ba naman siya ng nakabuntis sa kanya?”

May sumilay sa akin na idiya, kung iyon ang paraan para makaalis dito, bakit hindi? Pwede.

“Naku, day! Malabo mangyari ‘yan! Sa libro lang nagkakatotoo ganyang sitwasyon.” Nabubulol na saad ng isa sa kasama namin dahil sa puno ang kanyang bibig.

“Ang mga puking ina na ‘yan, p**e lang na ‘tin habol nila! Kung may lima tayong puke, sasambahin nila tayo. Yayaman pa tayo! Pero hanggang doon lang, after masarapan ng etits nila, who you ka.” Tumawa sila na parang biro lang iyon.

“Sa mga p****k na gaya na ‘tin, malabong may aako sa ipagbubuntis na ‘tin.” Dagdag ni Cindy.

Nilingon ko si Marga kung ano reaksyon niya sa sinabi nila, ngunit wala. Parang hindi na bago sa kanya na ganoon.

Sa probinsya, kasal muna bago magtabi, napakalaking kasalanan kung sisiping ka ng wala sa edad at kasal. Lalo na kung mabuntis pa. Dito, normal lang? O, dahil ito ang trabaho nila? Maging bayaran para sa panandaliang aliw.

“Another night! Good luck! Sana magkasakit ang bruhang Tricia para tayo naman ang kumita ngayong gabi.” Napaangat ang tingin ko sa babaeng kumukuha ng kanyang inumin.

“Asa ka, gurl. Balita ko, may nag-table sa kanya kagabi. Laspang na naman ang bruha. With blue-eye ba naman ang nag-out sa kanya. Kaya wala kanina sa practice.”

“Wala naman talaga siya performance mamaya. Sa VIP tuloy noon, ‘di ba nga itong newbies ang sasalang.” Inginuso kami ng lalaking bouncer.

“Sana maraming mayamang matanda mamaya. Madaling utuin. Sandali lang paligayahin sa kama, knockout kaagad. Pwede pa huthutan ng datung.” Singit ni Cindy sa usapan ng iba.

“Come on, girls! Magmadali na.” sigaw ng isa. Pinagpag ang kamay niya mula sa paghuhugas ng kanyang pinagkainan.

Tumalima ang iba at isa-isa nang tumayo. May mga bagong pasok naman na mga lalaking bouncer para kumain. May mga dala na silang mga supot na sa tingin ko ay mga ulam.

“Tang na, mo! Mauna ka na. Magpapalitada ka pa ng mukha mo.” Sigaw ng isa sa kanya.  Nag-asaran sila sa harap namin. Nakakarindi ang mga pagmumura nila sa isa’t isa.

“Meron bang oras na pwede kaming lumabas?” Maya-maya’y tanong ni Marga.

“Ahh, not sure. Tanong mo sa manager mo. Sino ba may hawak sa inyo?”

Ako ang sumagot. “Si Polaris.” Ilan ba manager meron dito?

“Ah, magkaiba pala tayo. Well, sa kanya niyo itanong. Iba kasi kayo sa amin. Kami anytime, huwag lang oras ng trabaho. Kayo yata, bawal.”

“Bawal?” Nagtatakang tanong ni Marga o nagkukunwari lang. Alam naman na niya sagot dito.

“Payo lang, kung gusto niyo maging maluwag si Madam at Boss sa inyo, lakihan niyo kita n’yo every night. Or, have some, regular costumer na kaya kayong i-takeout gabi-gabi.”

“Paano kung tumakas kami?” Napanganga ako sa tanong ni Marga. Hinawakan ko siya sa kanyang kamay. Maraming nakakarinig ng mga tinatanong niya.

Tumayo si Cindy at ang isa pa niyang kasama. Naiwan ang isa dahil uminom pa ito ng sabaw ng ulam niya.

“Hindi ka makakalabas dito ng buhay kung may utang ka pa.” mahinang bulong ng isa. “Ganyan ang nangyari sa isang kasamahan namin dito. Nawala na lang siya bigla.”

“Baka nakatakas na!” Umaasang tonong saad ni Marga.

“Tsk! Imposible. Girl, sa ganitong negosyo— nakasanla na ang buhay mo sa mga demonyo. Pay them or patay ka. Mas maganda nang gumiling, kumintod araw-gabi kaysa naman mamatay ng dilat. Pati pamilya mo, hawak nila sa leeg. Kaya kung tatakas ka, para mo nang hinila sa hukay buong pamilya mo.”

Natahimik kami ni Marga sa sinagot ng babae. Niligpit niya ang kanyang pinagkainan at nilagpasan sila Cindy na nakatayo sa gilid. Hinihintay matapos ang sinasabi ng babaeng maiksi ang buhok. Umalis siya doon na walang lingon-lingon.

“Hayaan niyo na siya. Kasabayan niya kasi ‘yong si Lea. Sabay silang dinala dito. Gaya ninyo, binenta lang din sila dito at may malaking utang. Si Lea nga lang, tumakas at nahuli. Siya naman, nagbabayad pa.”

“’Di ba sabi ni Boss, huwag na pag-uusapan ang tungkol d’yan?” Dudugtungan sana ng isa pa ang sinabi ni Cindy ngunit pinutol na ito ng isang bouncer. Pinapaalalahanan sila.

“Sino ang papatay? Si Boss Z?”

“Marga,” awat ko sa kanya. May kanin at ulam ang kamay kong hinawakan siya sa braso. Natatakot ako na baka ano mailabas niya sa bibig niya. Lalo na ang mga plano naming dalawa na wala pang kasiguraduhan.

Tumawa ang iba, ang iba naman ay pinagpatuloy ang pagkain. Nilunok ko ang nasa bibig ko at nagmadaling ubusin ang natitirang kanin. Binuhos ko ang bagoong at sinimot ito. Siniko ko si Marga para kumain na siya ulit.

“Syempre, hindi. May mas mataas pa kay Boss Z. Siya ang bahala outside sa management ng bar.”

Nagpasalamat ako nang tumahimik si Marga. Gusto kong malaman ang tungkol doon sa sinabi ng bouncer ngunit mukhang hindi dapat pag-usapan iyon. Lalo na nang makita ko ang ibang reaksyon nila. Umiiwas sila at parang takot na makarinig ng kahit kaunting inpormasyon ukol dito.