Chapter 7

DANIEXSA'S POV

LUMIPAS ang trenta minutos ay s'ya namang pagdating ni Officer Feliciano sa opisina ni Mr. Riego. Bahagya pa itong tumango sa akin kaya naman ganoon rin ang ginawa ko dahil pakiramdam ko hindi pa man nag-uumpisang mag-usap ang dalawa ay may tensyon na agad ang namuo sa buong paligid.

"Salamat sa pagpapaunlak mo sa akin ngayon, Mr. Riego. Ikinalulugod kong maging panauhin mo sa araw na ito." Mababakas ang paggalang nito sa aking binatang amo na kasalukuyang sumisimsim ng kape na kakagawa ko lamang habang prente itong nakamasid sa kaniyang importanteng panauhin.

Relax na relax lamang ito at walang mababakas na kahit na anong emosyon sa kaniyang guwapong mukha. Para bang sanay na sanay na itong itago ang totoong emosyon sa bawat taong nakakaharap kaya hindi na nakakapagduda pa.

"Do you want anything? Coffee, juice, water or wine?" Hindi pinansin ni Mr. Riego ang pormal nitong pagbati sa kaniya imbes ay nakuha pa nitong itanong kung may nais bang inumi