Kabanata 20

"Sige po manong, ako na pong bahala dito. Tuloy niyo na po trabaho ninyo," Sambit ko.

Sa unang pagkakataon na naman pala ay muli akong gumamit ng po at opo.

Nagpasalamat siya sa 'kin bago umalis na, nang buksan ko ang tupperwear ay kanin na may tubig lang pala ang laman no'n. Sana ay hindi manuka ang mga bibe na 'to, kung hindi ay aayawan ko talaga 'to.

Humakbang ako sa fence nila at pumasok, medyo kinakabahan pa ako dahil baka habulin nila 'ko o tukain. Huminga muna ako nang malalim bago naglakad papalapit, natuod ako nang palibutan nila ako. Nanghahaba ang leeg nila at parang gustong abutin ang bitbit ko.

Ghad, akala ko madali lang 'to.

"H'wag ka munang gagalaw, baka tukain ka nila. Hindi ka kasi nila kilala tapos na sa 'yo pa ang pagkain nila."

Napalingon ako sa nagsalita,