Kabanata 32

"TALAGANG tatapusin ko ito dahil ako ang nagsimula!” sigaw pa ni Gwyn kay Gabrielle na halos ikinabingi niya. Nakasabunot din ito sa kanya nang mga oras na iyon. Kung kaya’t ubod lakas niya rin itong sinasabunutan pabalik.

“Wala akong kasalanan sayo. Kaya hindi ko alam kung ano ba talagang pinanggagalingan mo at galit na galit ka sa akin,” wika pa ni Gabrielle habang nagsasabunutan silang dalawa.

Sumuntok ito bigla kung kaya’t natamaan siya sa mukha at napabitaw na siya sa kasasabunot ng buhok nito.

“ Gusto mo talagang malaman? Galit na galit kasi ako sa mga taong nang-iiwan. Saka alam mo, nalaman kong isa ka pala sa mga taong iyon. Iniwan mo ang kapatid mo,”

“H-hindi totoo iyan!” sigaw pa ni Gabrielle dahil naririndi na siya sa mga ibibintang nito sa kanya.

“Iniwan mo ang kapatid mo sa ere. Hindi mo siya hinanap. Pinabayaan mo lang siya,” dagdag pa na pangingonsensiya sa kanya ni Gwyn kung kaya’t tinakpan na niya ang kanyang tainga dahil hindi na niya gustong mar