Kabanata 58

“ZYPH?”papungas-pungas na bumangon si Zierelle nang makita niya ang kanyang kapatid na naghahanda ng pagkain niya.

“Kuya, gising ka na pala. Halika sabayan mo na ako sa pagkain ng agahan. Ipinagluto ka na rin ni Ate ng panpawala ng hang-over,” ngumiti ito sa kanya.

Nagtaka siya kung bakit naroon ngayon sa apartment niya ang kanyang kapatid ngunit mas nagtaka siya kung sino ang tinutukoy nitong ate.

“S-sino ang tinutukoy mong ate?” agad na siyang napabangon dahil naging interesado siya sinabi ng kanyang kapatid.

“Si Ate Gabrielle, Kuya! Hindi mo ba alam? Siya ang nagluto ng lahat g nakahain ngayon,” parang wala lang na sabi ng kanyang kapatid sabay subo. “Sarap,” wika pa nito na halatang nasisiyahan sa pagkain.

“Zyph, nasaan na siya?” inilibot niya ang kanyang paningin sa kabuuan ng kanyang apartment at umaasa siyang makita niya pa roon ang babaeng patuloy na hinahanap ng kanyang puso.

“Siyempre, umuwi na siya Kuya. Hindi mo rin alam?” takang tanong ng kanyang kapatid. Sabagay, ang al