KABANATA 28

Apolonia

Sa gulat ko ay nanatiling nakatitig lamang ako kay Druskelle at gano'n naman din ito sa akin.

Tama ba ang intindi ko sa ikinilos nito? Ayos lang dito at gusto nito na kumapit ako sa braso nito?

Makalipas ang ilang sandali nang wala pa ring gumagalaw at kumikibo sa aming dalawa ay bahagya nitong ikiniling ang ulo at iminuwestra ang braso nitong tila ba nakaabang para sa akin upang hawakan at nakahandang kapitan ko.

Parang tanga na napaturo tuloy ako sa sarili ko at napakurap-kurap. "A-Ako po, kakapit sa inyo?" paninigurado ko pa at pagsasatinig sa nasa isip ko.

Huminga ito nang malalim bago ito tumango. "Yeah, is there anyone else in this room other than you and me?" he asked calmly.

Luh? Ano ang nakain nito?

Mabilis akong umiling. "Wala po... pero sure po ba kayo? I-I mean, okay lang po ba?" nag-aalangan pa rin na tanong ko.

Malay ko ba kasi, mainam na ang nagtatanong at naninigurado, baka kasi bigla na lang itong magalit sa akin.

Bahagyang kumunot ang noo nito. "Yeah, why no