CHAPTER 41

NAGULAT SI NATALIA NANG sa isang private plane sila sumakay ni Matt. Nilingon niya ang lalaki, “Saan ba talaga tayo pupunta?”

“Basta sumakay ka na lang.” Utos nito sa kanya.

“Karapatan kong malaman kung saan tayo pupunta. Malay ko ba kung saan mo ko dadalhin? What if sa kalagitnaan ng biyahe bigla mo na lang akong ihulog sa eroplano?” Singhal niya rito.

Ang lakas ng tawa ni Matt, “You’re so funny, woman. Binigyan mo tuloy ako ng idea,” Pabirong sabi nito sa kanya, “But don’t worry, ngayon pa lang ako nag-eenjoy saiyo kaya hindi ko pa ‘yan gagawin ngayon,” kumindat pa ito sa kanya, bagay na nakapagpabilis ng tibok ng puso niya.

Hindi niya maintindihan kung bakit parang may kung anong hatid sa kanya si Matt na hindi niya kayang pangalanan. Basta pakiramdam niya ay mahuhulog siya sa kung ano at nasa dulo na siya ng pwestong iyon.

“Pupunta tayo sa farm ko sa Samar. Gusto kong makalanghap ng sariwang hangin,” sabi nito sa ka