CHAPTER 43

NAKITA NI NATALIA nang abutan ni Matt ng lilibuhin si Manang Terry, ang kapal, wari niya ay lampas iyon ng fifty thousand.

“Pang maintenance ninyo at pambili ng mga vitamins.” Dinig niyang sabi ni Matt sa matanda.

“Naku, hindi pa nga ubos iyong ipinadala mong pera sakin nuong isang Linggo eh. Kung tutuusin, sobra-sobra na ang ipinapasweldo mo sa aming mag-anak pagkatapos binibigyan mo pa ako ng perang. . .”

“Manang Terry, kulang pa ‘yan sa lahat ng pag-aalaga at kabutihang ipinakita mo sa akin,” sabi ni Matt dito. Hindi siya makapaniwalang ibang-iba sa impression na ipinakita nito sa kanya ang ugali nito.

Totoo nga marahil ang sinabi ni Vicky at ni Manang Terry sa kanya na napakabuting tao nito, ngunit masama ring kaaway.

“By the way Manang Terry, pakisabi po kay Tatang Ben, manghuli ng mga manok at gawin niyang tinola. Magkatay rin ng kambing. Namimiss ko na ang kalderetang kambing ni Tatang Ben,” anito sa matanda na ang t