Chapter 6

(Kirtsy POV) ~5 YEARS LATER

NAPANGITI ako sa aking nadatnan sa loob ng kwarto ni Suxi. Mahimbing na natutulog si Haze sa maliit na kama ni Suxi habang si Suxi naman ay natutulog din sa tabi ni Haze habang mahigpit na nakayakap sa kaniya. Napaka-cute tingnan ng mag-ama.

Dinampot ko isa-isa ang mga nagkalat na crayons sa sahig at isinalay ko iyon ng maayos sa lalagyan ng mga gamit ni Suxi. Si Suxi ay apat na taong gulang na at magli-limang taong gulang na sa darating na buwan ng Nobyembre. Babae ang naging anak namin ni Luxe.

Ilang buwan na ang lumipas nang lumipat kaming tatlo dito sa Manila. Balak ko kasing humanap ng magandang trabaho bilang isang chef dito sa siyudad. Iniisip ko lamang ang kinabukasan ng aking anak. Gusto kong magkaroon ako ng malaking kita at stable at successful na trabaho upang matustusan ko ang lahat ng pangangailangan ni Suxi habang lumalaki siya.

Hindi naman ako nahihirapan dahil andiyan naman si Haze. Tinutulungan niya ako sa lahat ng bagay, ngunit ayoko nang