Chapter 83- End

Malakas na sinipa ni Amari ang pinto ng opisina ni Ace, na ikinagulat ng lahat. Walang pakialam siyang pumasok at sinunggaban si Ace sa kwelyo. Magtatawag sana ng security ang staff ni Ace, ngunit pinigilan niya ito sa pamamagitan ng senyas. Nakakagulat man ang biglaang pagdating ni Amari, halata ang kanyang matinding galit bilang isang magulang. Panahon na rin upang tapusin ang kanilang problema at linawin kung sino ba talaga ang salarin sa pagpatay sa kanyang buong pamilya.

"Hayop ka! Dahil sa ginawa mo, nasa panganib ang mag-ina ko! Kumampi ka sa taong alam mong halang ang kaluluwa!" Litaw ang mga ugat sa leeg ni Amari dahil sa galit.

"Haha! Ganyan din ang naramdaman ko noon. Galit at poot dahil pinatay mo ang pamilya ko. Wala kang puso!" Matapang na sigaw ni Ace.

Padabog na inilapag ni Amari ang mga papeles na naglalaman ng mga larawan at pangalan ng mga sangkot sa Tanaki Massacre noong gabing iyon.

"Diyan, tingnan mo ang lahat ng mga sangkot sa folder na iyan. Tingnan mo,