Chapter 17

Pinagmasdan niya si Anthony habang patuloy ito sa paglangoy. Hindi niya alam pagkatapos ng pagpapanggap nilang ito kung ano ang mapapala niya. Nagpapadala siya sa damdamin niya sa dating kasintahan.

Nang marating ni Anthony ang kinaroroonan niya'y muli siya nitong hinila sa tubig sa pagkabigla niya. Nawalan siya ng panimbang at napasandal sa dibdib ng binata. Hinapit siya nito sa likod at dinala sa mas malalim na parte ng pool.