CHAPTER 5

TBRW CHAPTER 5

3RD POV 

Hindi mapigilan ni Zoe, ang ma-excite habang tinatanggal ang bendahe sa mukha ni Zena, ito na rin ang pagkakataon na hinihintay niya, para makatakas kay Liam, lalo na at malapit na ang party na gagawin nito para sa nalalapit nilang kasal. 

Napasinghap si Zoe, matapos niyang makita ang bagong mukha ni Zena, dahil para siyang nakaharap sa isang salamin. 

"Lolo!" Tili na sigaw niya, habang niyakap niya ang lolo Leon niya, dahil sa tuwa na kanyang nararamdaman. 

"Salamat Lolo, dahil makasama ko na rin si Ross." Ngiting wika niya, habang na-patingin kay Cora at Rose. 

"Sinabi na naman namin sa 'yo Apo, na gagawin namin ang lahat, sumaya ka lang." Sagot nito. Habang pinipigilan naman ni Zena ang kanyang mga luha na 'wag bumagsak, dahil hindi niya mapigilan na makaramdam nang inggit kay Zoe, lalo na sa pagmamahal ng pamilya niya rito. 

"Ito ang mga damit ko, ayoko na sa kanila kaya sa 'yo nalang. Gusto kung gayahin mo ako para hindi magdududa sa 'yo si Liam." Wika ni Zoe, habang binigay sa kanya ang mga damit nito. 

"Bilisan mo na, magpalit kana ng damit. Para pumunta kana kay Liam." Wika nito, habang bakas ang gulat sa mukha ni Zena na napatingin kay Zoe. 

"Ano pang titingin-tingin mo r'yan? 'Wag mong sabihin na aayaw kana?" Galit na wika nito, habang mabilis na umiling si Zena. 

"'Wag na 'wag mo talaga kaming susuwayin Zena, dahil alam mo na kung ano ang mangyayari sa 'yo, sa oras na hindi mo itutuloy ang plano namin. Lalo na ngayon at nasa 'yo na ang mukha ko." madiin na wika nito kay Zena. 

Nang matapos mag-palit si Zena ng damit ay agad na siyang pina-hatid ni Zoe, sa driver nila, para puntahan nito si Liam. 

"Kahit ako ay nalilito na rin kung sino ang tunay na Ma'am Zoe." Wika ng driver, kaya napatingin siya rito. 

"Pero alam mo Zena, mas mabuti na rin na iisa lang ang mukha niyo ni Ma'am, dahil nakikita kung maganda na ang pakikitungo nila sa 'yo." Muling wika nito, habang pilit siyang ngumiti rito. 

"Gagawin ko po talaga ang lahat, para lang matanggap nila ako Kuya." Ngiting wika niya, habang napansin niya na natigilan ito, habang nakatingin sa kanya sa rear mirror. 

"Pasensya kana Zena, para ka kasi talagang si Ma'am Zoe, kaya napapatulala ako, alam mo kasi hindi 'yon nakikipag-usap sa akin at walang araw na hindi ako sinisigawan nun." Ngiting wika nito, habang na-patingin siya sa binata ng kotse. 

Habang naaninag niya rin ang mukha ni Zoe, ay hindi niya mapigilan ang sarili niya na haplusin ito, habang muli na naman niyang pinipigilan ang sarili niya na 'wag umiyak. 

****

"Zoe! Hija!" Malakas na kumakabog ang dibdib ni Zena, habang nakikita niya ang ginang na papalapit sa kanya. Kilala na rin niya ito, dahil pinakita sa kanya ng kanyang inang si Rose, ang larawan ng pamilya ni Liam. 

"Kumusta po kayo Tita.." Mahinang bati niya, habang natigilan ito at napatitig sa kanya. Mas kumabog pa ang dibdib ni Zena, dahil sa nakita niyang reaksyon nito. 

"Pasensya kana, hindi lang kasi ako sanay na bumabati ka sa akin Hija." Wika nito, habang napakagat siya sa kanyang labi. Hindi kasi sinabi sa kanya ni Zoe, na 'wag batiin ang ina ni Liam. 

"Nagpahanda ako ng pagkain para sa 'yo, sana magustuhan mo." Muling wika nito, habang hinawakan nito ang kanyang kamay at giniya papunta sa dining area. 

"Naihanda n'yo na ba ang lahat ng pagkain?" Tanong nito, nang makapasok sila sa kusina. Hindi rin niya mapigilan na matakam, dahil sa masasarap na pagkain. 

"Sige na Hija, mauna ka nang umupo tawagin ko lang si Liam." Wika nito, kaya tumango siya at hinila ang upuan. 

Napansin niyang napatingin ito sa kanya, kaya ngumiti siya rito.

"Bakit po?" Tanong niya, habang mabilis itong umiling. 

Nang maka-alis ang ginang ay agad siyang napahinga ng malalim. Mabuti nalang din at pati ang boses niya, ay katulad kay Zoe, dahil kung hindi baka maghihinala na ito sa kanya. 

"S-salamat po.." Magalang na wika niya sa katulong, matapos siya nitong lagyan ng pagkain. Nag-angat naman siya ng kanyang mukha at tumingin dito, nang mapansin niya na natigilan ito. 

"Bakit po?" Taka na tanong niya, habang mabilis itong umiling sa kanya. 

Habang kumakain ay hindi mapigilan ni Zena ang kumain ng marami, dahil sa sarap ng mga pagkain. Nang may marinig siyang tumikhim sa likuran niya, ay agad siyang natigilan at dali-dali na tumayo. 

Nang makita niya ang madilim na mukha ni Liam, na tumingin sa kanya, ay hindi niya maiwasan na nakaramdam nang kaba, lalo na nang maalala niya, ang ginawa nitong pagtulak sa kanya, noong tutulungan niya sana itong tumayo. 

"Ano ang ginagawa mo?" Kunot-noo na tanong nito, kaya dali-dali siyang lumapit dito at itinulak ang wheelchair nito papalapit sa lamesa. Kinuha niya rin ang isang upuan, para maka-pwesto ito ng maayos. 

Siya na rin ang kumuha ng pagkain at nilagay sa plato nito, at nang tingnan niya ito, ay nakikita niya ang pag-tataka sa mukha nito, kaya agad siyang lumayo. 

"P-pasensya kana kung hindi kita tinatanong kung gusto mo ba ang mga pagkain na nilagay ko, k-kung gusto mo papalitan ko nalang." Utal na wika niya, habang lalapitan sana ito. Pero mabilis nitong itinaas ang isang kamay nito, kaya muli siyang natigilan. 

"Ano ang nangyari?" Tanong nito, habang lihim siyang napa-kagat sa kanyang labi, lalo na at muli na naman siyang nakaramdam nang kaba. 

Iniisip niya na tumakbo sa malayo, para takasan si Liam. Pero alam niyang hindi niya ito pwedeng gawin. 

"Ikaw ba talaga 'yan Zoe?" Tanong nito, habang mas lumakas pa ang kaba na kanyang nararamdaman. Mas napapadiin na rin ang pagkagat niya sa kanyang labi, lalo na at hindi niya alam kung ano ang isasagot niya kay Liam. 

"Anong klaseng tanong ba 'yan Liam? Alam mo naman na si Zoe 'yang kaharap mo." Lihim siyang na-pahinga nang maluwag, nang makita niya ang ina nito na papalapit sa kanya. 

"G-gusto ko lang humingi ng tawad sa lahat ng ginawa ko sa 'yo noon.. A-alam kung naging masama ako at hindi ko man lang iniisip ang nararamdaman mo, sana mapatawad mo ako." Wika niya, habang niyuko niya ang kanyang ulo. 

"Hija, naintindihan ka namin, alam mo bang masaya ako dahil nakikita kung nagbago kana." Ngiting wika sa ina ni Liam, habang mahigpit siya nitong niyakap. Hindi niya naman mapigilan na nakaramdam nang guilt, dahil alam niyang magagalit ito sa oras na malaman nito ang totoo, na hindi talaga siya ang tunay na Zoe, at niloko niya lang sila.