Kabanata 16: Somewhere

WALA PANG alas sais ng umaga ay pumasok na si Xandra sa trabaho kasama ng kaniyang bukod tanging kaibigan.

Sa katunayan ay alas tres pa lang kanina ay nambulabog na ito sa kanilang bahay upang gisingin siya.

Gano'n ka-excited si May sa unang araw ng kaniyang trabaho. Naglilibot pa nga siya ng kaniyang tingin sa bawat sulok ng kompanya at talagang mapagmamasdan sa mga mata niya ang labis na paghanga. Bawat empleyadong nakakasalubong din nila ay binabati niya na parang matagal na niya itong kakilala.

Meanwhile, Xandra's attention was drawn by someone. They both diverted their gaze to that specific person.

"Cassandra, ipakilala mo naman kami sa kasama mo," anang ng isang lalaking empleyado.

Hindi na niya kailangan pang magsalita dahil tama ang kaniyang hinuha na kusang si May na ang magsisimulang mag-ingay para ipahayag ang kaniyang pagkakakilanlan.

Maarte pa nitong nilagay ang kaniyang buhok sa likuran ng tainga nito. "Huy, enebe, 'to naman. Nahiya ka pa talagang diretso na sa ak