CHAPTER 16- AS FOOL AS

"Zack? Ikaw ba 'yan" gulat kong usal habang nangungumpirma ang tono.

"Chaewon?" usal din nito. "Ikaw 'to, 'di ba?"

"Hey!" sabay naming sambit. Kaagad pa itong tumakbo papalit sa akin at niyakap ako nang mahigpit.

"I missed you so much," sabi nito sa excited na tono.

Akmang sasagot na ako nang may mga kamay na humila sa akin. Napakalas tuloy ako kay Zack.

"Epal," asik ko sa pakialamerong Zayden.

"Kapatid ko 'yan," paalala niya pa sa akin.

"Alam ko," sagot ko naman sabay irap sa kaniya. Tinapunan ko ng tingin si Zack at nginitian. "Nakauwi ka rin ng Pilipinas. Akala ko ay wala ka ng balak," dagdag sabi ko.

Matagal na itong naninirahan sa ibang bansa. Doon na rin ito grumaduate sa elementary, high school at college. Sa katotohanan ay mas nauna ko itong naging kaibigan dahil kami ang magkasing-edad. Nang umalis ito ay saka ako mas napalapit kay Zayden at eventually ay naging magkaibigan din kami.

"Kaya nga, eh. Akala ko ba ay nag-break na kayo? Nagkabalikan na pala kayo?" tanong nit