Chapter 1

“Ano sama ka na sakin? maraming matandang mayaman doon. Makakapasok naman tayo dahil kilala na ako doon. Isang gabi lang naman, kesa naman paalisin kayo ni Tita Nelda sa inuupahan niyo” pangungulit ni Kacely sakin, matalik kong kaibigan.

Naikwento ko kasi sakaniya na kailangan na kailangan ko ng pera para pambayad upa, dalawang buwan na kasi kaming hindi nakakabayad dahil natanggal ako sa dating pinapasukan ko. Yung mga inaplayan ko hanggang ngayon wala pang tumatawag.

Kahit labag sa loob ko ang paraan na sinasabi ngayon ni Kacely ay tumango na lang ako.

“Perfect! so maya maya okay? doon ka na sa apartment ko mag bihis, pahiramin na lang kita ng damit at ako ang mag aayos sayo.” masaya niyang sabi tsaka na ito nagpaalam umalis.

Isang CCA si Kacely sa exclusive bar na sinasabi niyang maraming mga matandang mayaman. Kaya ito talaga ang naisip niyang paraan para sakin dahil malaki daw ang kitaan.

Nang lumipas ang oras ay nagpaalam na ako kay Mamay, hindi ko sinabi ang totoo kung saan ang punta ko. Basta ang sabi ko lang ay may eextrahan akong restaurant na kailangan ng waitress ngayong gabi dahil maraming costumer.

“Alam mo yung mga matatandang yan madali lang utuin. Basta sabihin mo lang e payment first, tapos lasingin mo na. Ganoon ang ginagawa ko, kaya kahit mag iisang taon na ako sa trabaho ko bilang CCA e masikip pa rin ako no!” natawa ako sa sinabi ni Kacely, nandito ako ngayon sa bahay niya at inaayusan niya ako. Ang sabi ko sakaniya ay wag masyadong kapalan ang make up ko, kaya naman simpleng make up lang talaga ang ginawa niya sakin.

“Ayan! mukha ka ng hindi nanapak!” ani Kacely kaya naman bahagya akong natawa tsaka niya ako hinila papunta sa body mirror na nasa sala ng inuupahan niyang apartment.

“Gagi, di ba masyadong revealing tong suot ko?” tanong ko sakaniya habang tinitignan ang sarili ko suot ang pulang bodycon dress

“Gaga! alangan mag maternity dress ka? pano ka makakakuha ng mga libog na matandang mayaman?” inis nitong sabi.

May point.

Nang makapag ayos na kaming pareho at ready na ay nag book na si Kacely ng grab na sasakyan namin, at ng makarating ito ay lumabas na kami at sumakay.

Daldal lang ng daldal si Kacely habang na sa byahe kami. Nakikinig naman ako pero mas matimbang yung kaba sa dibdib ko. Parang gusto ko na lang umatras at umuwi ang kaso nakakahiya naman sa kaibigan ko na nag effort pa, tsaka malapit na kami… ngayon pa ba ako uuwi?

Nang makarating kami sa Exclusive Bar ay agad kaming pinapasok ng mga security, kita ko kung paano kinindatan ni Kacely ang mga ito at agad naman nila kaming pinapasok.

Lakas!

Pag pasok namin sa loob ay inaasahan kong katulad siya sa mga bar na napasukan ko na para mag party, pero iba dito. Tahimik lang, parang may kanya kanyang mundo ang lahat. May soft ballad na song habang ang mga tao ay hindi malakas ang mga boses sa pag uusap. Yung tipong makikita mo lang na bumubuka ang bibig nila, tumatawa, pero wala kang maririnig.

“Ang tahimik naman dito?” tanong ko kay Kacely.

“Natural, mga high society ang mga nandito. hindi tulad sa mga bar sa kanto na maiingay. Dito kailangan sufisticated ka, yung tipong mapagkakamalan kang model, ganoon ang mga gusto nila.” ani Kacely kaya nag patango tango naman ako.

Kinuha ni Kacely ang dalawang baso ng alak na galing sa bar tender tsaka ito inabot sakin, nandito kami ngayon sa counter sa may island table.

“Tulad no’n, siya ang nagpasok sakin dito at regular costumer na niya ang kasama niya ngayon” turo ni Kacely sa babaeng na sa bandang dulo, naka black bodycon ito at halos hanggang pusod ang hiwa ng damit niya sa harap kaya kitang kita ang bibilugin niyang s-so.

Habang abala si Kacely sa pagtuturo ng mga kapwa niya CCA ay may biglang lumapit samin, mukhang may edad na dahil sa may iilang gray na ito sa buhok, pero yung tindig at tikas? parang nasa 30s lang.

“Kacely, who’s this young…and gorgeous lady?” tanong nito kay Kacely habang dumulas ang tingin niya mula sa mukha ko pababa sa dibdib ko hanggang sa legs ko.

Kinabahan ako sa tingin niyang iyon kaya naman walang ano ano kong nilagok ang alak na inabot sakin kanina ni Kacely, at sobrang pait non.

“She’s my friend Anton, baka may maipakilala ka sakaniya? first time niya rito.” sagot naman ni Kacely, nakikinig lang ako sakanila habang hindi ko namamalayan na nakatatlong baso na pala ako ng alak.

“Oh, i’m sure pag aagawan yan siya ng mga amigo ko. Bring her at our vip lounge.” saad nito kay Kacely at naglakad na palayo.

“Sabi sayo e. Siya si Anton, regular costumer ko na siya, halata ba sa itshura niya na 50 na siya?” hagikhik ni Kacely kaya naman nangunot ang noo ko.

Iba talaga pag mayaman, habang tumatanda parang mas bumabata ang katawan. Well, mukha namang yummy yung costumer ni Kacely, pero sasama ba talaga ako sakaniya sa vip na sinasabi ng Anton na iyon? medyo nakakaramdam na rin ako ng hilo, isa pa nakakatakot yung tingin niya... pano pa sa mga amigo niya?

“Bes, may banyo ba dito? n-nasusuka ako.” bulong ko kay Kacely

“Gaga ka! nakailang baso ka ba?” tanong nito sakin.

“Nakaapat na” sagot ko naman.

“Jusko talaga sayo! sige na ilabas mo na muna yan doon, dretsyo ka sa hall way na yon, tapos kumanan ka andoon yung cr. Dito muna ako sa counter baka isipin ng bartender e tatakasan natin siya” ani Kacely.

Agad naman akong naglakad papunta sa sinabi ni Kacely, pero pag liko ko sa kanan ay wala akong makita na banyo, tanging mga maliliit na parang puno na may mga fairy lights at green grass na sahig. Babalik pa sana ako sa likuan pero bigla nalang may kung anong tumulak sa sikmura ko kaya parang lalabas na talaga ang ininom ko kanina.

Mabilis akong naglakad papasok at naghanap ng mapupwestuhan kung saan pwede ko itong isuka pero dahil sa hilo at pagmamadali ay nagulat ako ng bumangga ako sa isang matigas na bagay.

"Hey! Can you look where you're going?!" sigaw nito sakin, ng tignan ko siya ay halos mapatingala ako dahil sa tangkad niya, may hawak itong baso ng alak at cellphone naman sa kabila niyang kamay.

“P-pwede bang mamaya na—” akma na sana akong tatakbo palayo pero bigla nalang niyang hinigit ang braso ko at mahigpit niya iton sinakmal.

“And where do you think you’re going?! Look what you did to my suit! You spilled wine all over it!” sigaw nito sakin, gusto ko pa sana siyang patulan pero lalabas na talaga ang suka ko pero ayaw niya talaga akong bitiwan kaya ang ending…

Sakaniya ko naisuka lahat…

“WHAT THE FUCK!!!” sigaw nito sakin, kaya parang namintig ang tainga ko.

Pinunasan ko ang bibig ko gamit ang kamay ko tsaka ko siya sinamaan ng tingin.

“Ikaw pa may ganang magalit ngayon?! kung binitawan mo sana ako edi hindi kita nasukahan!” sigaw ko rin sakaniya

“Seriously?! now you're blaming me! argh! it's so gross!” nandidiri nitong sabi at mabilis na hinubad ang suit niya, pero tagos hanggang sa white polo niya ang alak na isinuka ko kaya basa talaga hanggang dibdib niya.

“K-kasalanan mo naman kasi di mo ako binitawan aga—”

“REALLY?!! TALAGANG IPUPUSH MO NA KASALANAN KO?! YOU'RE DISGUSTING BITCH!” sigaw pa nito sakin.

Anong tinawag niya sakin?

Bitch? ako? BITCH?!!!

“Bitch pala ha!” asik ko at mabilis na sinuntok ang bibig niya dahilan para mapayuko ito habang hawa hawak ang labi niya na may bahid ng dugo.

Mukhang napalakas ata suntok ko.

“Wag mo akong matawag tawag na bitch ha?! AT WAG MO AKONG SINISIGAWAN!” sigaw ko rin sakaniya, akma sana itong lalapit habang nakaamba ang kamay niya pero bigla nalang may humila sakin.

“Bes! bakit ka sumisigaw?” tanong nito sakin.

“Tanungin mo yang gago na yan! sinisigawan ako e kasalanan naman niya kung bakit siya natapunan ng wine at kung bakit ko siya nasukahan!” inis kong duro sa lalaki na nasa harapan namin

“Talagang paninindigan mo na ako may kasalanan?! ikaw ang bumangga sakin! you also puke into my suit!”

“Ah talaga?! tanga ka kasi! kita mo ng nasusuka ako talagang hinawakan mo pa ako!”

“Alam ko ba na nasusuka ka?! e kung nag sorry ka agad kasi natapunan ng alak ang suit ko, binitawan sana kita!”

“Hindi mo alam kasi tanga ka! dapat lang sayo yan! kulang pa nga yan e!”

“Akala mo palalampasin ko ‘to? you’ll pay for thi—”

“Pay mo mukha mo! panget!”

“Panget? ako? maraming nagkakandarapang babae sakin! baka nga maging isa ka pa sakanila!”

“O talaga? asa ka! kahit kailan hinding hindi ako magkakagusto sa tulad mo! at tatandaan ko yang pagmumukha mong yan! panget!”

“I will never forget your face to!”

Hinila na ako ni Kacely palabas ng bar dahil dumarami na ang mga nakikisyoso samin, ng mailabas niya ako ay agad kaming sumakay ng taxi at pinagpapalo ako nito sa braso.

“Ano yun?! bakit ka nakipag away?!” inis nitong tanong sakin

“Minura niya ako e! tsaka! tinawag akong bitch!” dabog ko pa

“Kahit kailan ka talaga! di ka talaga pwedeng ipangdayo! pano kung kasuhan ka ni Mr. Laxamana” saad pa ni Kacely.

“Laxamana?” tanong ko naman.

“Oo! sa pag kakaalam ko nasa around 20s or 30s palang ata siya, pero kung sino sino ng babaeng nalilink sakaniya!” kwento pa ni Kacely

“Sya ba yung, binansagang The Hottie Casanova?” tanong ko.

“Siya nga” sagot naman ni Kacely na ikinairap ko.

“Ts, san yung hottie don? e ang panget panget non!” inis kong sabi na ikinatawa naman ni Kacely

“Nasasabi mo lang yan kasi inis ka sakaniya, ang guwapo kaya niya! kanina nga kahit galit siya ang gwapo gwapo at ang hot niya! amoy suka nga lang.” ani Kacely.

Hindi ko na siya pinansin at inirapan nalang siya. Totoo naman na guwapo talaga yung Laxamana na yun, maganda rin ang pangangatawan, lalo na nung hinubad niya ang suit niya at kitang kita ang dibdib niya sa basang polo niya. Pero kahit pa gaano siya kagwapo at ka hot? pangit pa rin siya! kasi pangit ng tabas ng dila niya! Nakatikim tuloy ng kamao!